Teungten Kinëken Ngam La-en Tökihngen Tö Tī Ngam Töhet Kumlēḵ

Löktökūö misī söl ingih ṙētak, pōyen minë pinngang kūö la-en kahëken yip tarik ngam Tēv, öt i kumlēḵ re pöri cha-a, pön hayökaṙen tö Yāvē. Ik samyeūheu 1954, vī ök film yik tarik Yāvē, ök tö ngö kui Nöyi Tuniya Ki Pröcha Kör Röhi Tin Rāt Sěvā. Vahī yik prötör sistör angū-ö aṅ el Pētěl yik tötrēhěn nö maharuntu inlahen nö vī ngam film. Kūö cha pöri nö holuṙen tö ngam töhet fanöinylö lökten cha nö keuheūten tö ngam la-en re. Haköplu ayī-ö in cha tö hī yēḵ hī min ṙinātu ellōn in Yāvē ngaich öt löktu ayī-ö öt teūngen inup töng la-en kinë-ekūöre.—Sak 4:6.

NGËCHKÖM VITIŌ “NÖYI TUNIYA KI PRÖCHA KÖR RÖHI TIN RĀT SĚVĀ” FILM KEISĒ PÖNI, NGAICH SAPṘÔ NË INTÖÖNÖ:

• Kūöyòh ngam filim nö hōtu vinī-i?

• Sitih inlahen ngam filim nö hameuknyö inlahen më aṅ el Pētěl nö tūmö ngam töhěng alaha?—1Kò 12:14-20

• Asuh nuk kanihngen më prötör ik sā cha nö vī ngam filim, asuh pöri ök mahyööken cha?

• Asuh öp haköplö hī in e tö inlahen ngam töhet fanöinylö Yāvē?