Ṙônyö Nup Tö Tufömngöre Tö Ahāngnyu

Kakken nup tufömngöre inlahen ang Yēsū misī yěn haköphöti. (Lū 13:1-5) Mihôiṅ man më-eṅ inrē kakken nup tufömngöre inlahen in yip tö ööire nö hòṅ hang ngam tölöök inhāngö. Mihôiṅ öm ṙôten në, pōilöre ṙāi chehen, tö fāltöre kanihngen, tinrōlen, minë hinyōyö Mihôiṅ öm hatöön inrē öm ngö ṙô: “Sitih lōn öm më-eṅ, kē-ěyö ön min në . . . ?” hēk “Sitih lōn öm më-eṅ asūp tö mihôiṅ nö halöktit u . . . ?” Mihôiṅ öm hameukten e imat ngam Paipöl tö sāta nö in u. Yēḵ ngam tarik nö hòṅ hēk nö ṙūöhtö mikahkūö re ngaich mihôiṅ öm hameuktö mat ò tö minë vitiō hēk kētö minë līpöre inrē. Ta-a töi ‘keuheūttöre chö-öny töm tölöök inhāngö’ hòṅ yip taṙòkhöre tarik nö lökngöre ellōn töm tölöök inhānga.—1Kò 9:22, 23.

Asuh nup ööi yip tarik ahāng cha i nup kamngö yīö?