Ṙap Ngam Elkuilōn Re

Töthet in ayī-ö, lökten öi hòṅ ma-ainyre ṙap minë elkuilōn re. Yē hī min öt ṙapö u öi innup lōn re min ngaich öt köp ngam hanangenlōn Yāvē min tö hī. Tö sā në lōnuvö ayī-ö tö minë nyina-avkūö, chinhënö hēk patī. Mööḵlö lōn cha-a tö ngam Tēv. Öt fēkö minë inchöngten re cha-a kahëtö ngam Tēv höng hateūngö minë kuilōn re cha-a nö in ngam la-en insēha. (Rō 1:26, 27) Kūöre nö hòṅ hanghuṙen tö yip holre, lökten cha-a nö hang ṙô yip hol re nö kēken minë tötlēn la-en.—Man 23:2.

Sitih inlahen ayī-ö ṙap minë kuilōn re? Ma-ainyre ayī-ö chumkūöṙen in nup ṙô tö ṙāmölōn tī tö Yāvē. (Mët 4:4) Havëkö inyöökenre ayī-ö in Yāvē öi ṙap minë elkuilōn re. Kūö yòh? Pön akahakūö anga-aṅ tö nup yanöölen hī hēk hateūngngö nup kuilōn hī nö sā nup kuilōn ò.—Sal 145:16.

NGËCHKÖ NGAM VITIŌ ṘĀNGÖ NUP TÖ CHŌCHÖTĪ TÖ NGAM ALAHA, NGAICH KĒTÖ SANAPṘÔ NË INTÖÖNÖ:

• 

  Kūö yòh yip tarik nö im pinôpö sikret?

• 

  Asuh öp min kanihngen meh in ngam pinôpö sikret?

• 

  Kūö yòh öng nö vāich ngam pinôpö?—2Kò 7:1

• 

  Sitih inlahen öm mihôiṅ ṙāngenre im pinôpö?