Kempēn Hī Öi Rultenre Kēḵ Paipöl Istötī Ip Septempör

Ip Septempör min ayī-ö öi pītnyöre, rultenre kēḵ istöti öi löknyö imat ngam prosör Mihôiṅ Man Örheūheu Ṙamlōn! Mihôiṅ yip pöplisör nö òksölörī painīöring ip hē e nöng 30-kanta kahëti. Sitih inlahen öi rih min hē ngam këmpēn?

• Im Raneh Van: Rěhnyôre öi vë-ekūö yip tarik ngaich hameuktö chumkūöṙen re inrē tö cha öi havai ṙô re vë-ekūö cha. (Filip. 2:4) Yēḵ hī ngaich ṙōlheuh vë-ekūö ò, ngaich holtö heuneū-en re öi möl kô-òren kakkö ṙô ngam töhet līpöre. Yēn meukö öp tarik nö yal nö hang, ngaich mihôiṅ öi hatönö ò yěn hōḵ nö haköpmat Paipöl. Um vaichngö inrē tö cha yip chūök meh havanröön re hēk yip töyal inrē nö hang in nuk urěh. Pòrô cha-a nö tö sōḵ sin nö istötī ik urěh, pi-a yip min lohten nö hōḵ nö istötī yěn hameukhumat tö ngam tufömngöre inlahen hī öi istötī. Ötkô pöri öi ṙāngö ngam prōsör yěn öt ōt yip tarik nö i patī. Hēk ötkô inrē öi söömngö ngam prōsör öi in cha yip töt yal nö hang. Mihôiṅ ngam Sörvis Kömitī nö halēnlö inlahen nup fīlt sörvis mīting el ngam chingëṅt.

• Minë Tahëng Ṙētak: Yēḵ yīö öi vītö minë vitnesing kārt öi ahānga ngaich mihôiṅ öi hameuknyö ngam prōsör Mihôiṅ Man Örheūheu Ṙamlōn! Yěn ōt öp tö hōḵ nö kēḵ ngam prōsör ngaich mihôiṅ anga-aṅ nö vënyu nang tö ngam inlahen hī öi haköptö ṙô ngam Paipöl öi höng ötṙāyu. Mihôiṅ öp sörvis ovörsīör nö halēnlö yip töheuveū-en prötör-sistör, yip tömihôiṅ min nö vë-ekūö tarik i chūök minë pisnes terötrī. Mihôiṅ inrē öi vë-eny inlahen ngam inköptö Paipöl i chūök hī öi kamān yěn ōt yip töyal nö hang.

Tölṙô hī ang Yēsū öi vīten tarik “nö mahaköp,” hěnghöre “haköpten cha” inrē. (Mët 28:19, 20) Meūkkö inlahen re in öi yöölen im kempēn min tö tö tī ngam prōsör Mihöiṅ Man Örheūheu Ṙamlōn!