LESÖN 22
Hòṅ Sitih Inlahen Öm Yěm Hòṅ Kētöre Im La-en Inhānga?
Sā ṙôken sanīöpö mikahkūö meh ngaich tö ngam kanô-en aṅmat ngam Paipöl, ngatī ṙôken ngam kuilōn meh öm hòṅ vënyen nup haköpre. Tölöng an ngam mufē meh. Ṙòngmö pa-ekūö pöri më-eṅ. Sitih inlahen öm min kēngö ngam pinhë-ekūöre, köptī inrē töm ṙanamlōnre? Töi mikahtökūöre.
1. Hòṅ sitih inlahen öm yěm hòṅ vë-eny nang yip mikahkūöre tö nup haköpre?
Ṙamlōn yik tanīnöṙô tö nuk inköptöre tö Yēsū, lökten cha nö hòṅ vënyen u nö i taṙòkhöre tarik. Ngö ṙô cha-a: ‘Hö-ö in īhö kô öt ṙô-òv tö nuk maheuṅkre, ahangre inrē.’ (Inlahen 4:20) Ngatī mufē öm më-eṅ? Yěm ngatī mufē, mihôiṅ man kē-ěny ṙētak re vë-eny nang yip aṅ patī re, yip hol meh inrē. Holtö minlēḵṙenre pöri.—Vë-evkūö Kòlòsi 4:6.
Minë tumkangen ranehnyöṙô hī
Mihôiṅ öm ngö ṙô yěm vë-ekūö yip aṅ patī re: “Hěng ön ngih tövai haköp chu aṅmat ngam Paipöl el ngih afta.” Ngaich hameukhömat ò tö e.
Yěn vahavö öp hol meh, kihngen inrē. Kò-òren öm vë-eny nang ò tö ṙô ngam Paipöl hòṅ ò nö reuslöre alaha.
Yěn hatönkö inlahen meh yip hol meh ip chūök meh la-evṙen. Ngëichkö tövai ṙētakre öm vë-eny nang cha tö nup haköp meh aṅmat ngam Paipöl, el mīting inrē.
Hameukhömat yip holre tö ngam jw.org vepsāit.
Yěm ṙònghöchṙen öm Paipöl istötī, mihôiṅ öm tölṙô yip tahëng nö ūichtöre nö in meh hēk höng tölṙô cha nö havëkö inköptöre tö Paipöl ötṙāyu nö el jw.org.
2. Kūö yòh öm hòṅ hamūlhötre el ngam māṅ yěm hòṅ ahānga?
Rö-ö yik mahaköp nö in Yēsū nöng kahngenre nö vë-eny nang yik töng mikahkūöre töm tölöök inhānga. Pöi vënyu nang töm Paipöl tö Yēsū, ‘nö nët nët tak tī nö tīnngen cha nö ahangkö ngam tölöök inhānga.’ (Lūkös 10:1) Lökten cha-a nö pōyen vahë-eny nang tö tarik töm tölöök inhānga kūö inlēnlö kinëken e. Ṙamlōn inrē cha-a pön holṙenre nö ahangkö ngam tölöök inhānga. (Lūkös 10:17) Öt kuchīken öm min më-eṅ yěm hamūlhötre el ngam māṅ öm ahangkö ngam tölöök inhānga?
MIKAHTÖKŪÖRE HĒK
Mikahtökūöre hēk tö inlahen re öm kēḵngö ngam pinhë-ekūöre yěm ahānga, hòṅ meh sā ṙanamlōn yip holre ma-ahangkö ngam tölöök inhānga.
3. Yāvē an min hamòlṙen meh
Ōt yip tarik tö vöö nö ahānga yěn fēkö nup ṙô yip tarik min tö inlahen cha, vöö inrē cha-a yěn hakihtuṙen.
Vöö öm ṙung më-eṅ yěm ahangkö ngam tölöök inhānga? Kūö yòh öm ngatī mufē?
Röngnyöm VITIŌ, ngaich kakkö ngih intöönö yamih.
Sitih inlahen tī aich më ṙālö holmaneuk hī nö kēḵngö ngam pinhë-ekūöre?
Vë-evkūö Isayā 41:10, ngaich kakkö ngih intöönö yamih:
Yěm vöö öm ahangkö ngam tölöök inhānga, ngaich kūö yòh öm hòṅ vë-ekūötēv?
Akahakūö öm?
Pōyen yip Vamënyen Yāvē tö kihngen sin nö ahangkö ngam tölöök inhānga nö in yip tahëng. Kò-òren ngëichkö inlahen Sörkī ngam töt ṙinatu-ellōn sin nö in re. Hē ò pöri nö chumkūöṙen nö haköp mat ngam Paipöl, falngöre ngaich ngam pinhë-ekūö ò. Ngö ṙô anga-aṅ: “Kô-en chin sin öich tö vöö, öich vë-eny nang holre tö nup haköpre, kalahtenre pöri chū-ö, ngaich pingangkūö öich meūköre tö chu öt vöö öich vë-eny nang cha tö nup haköpre. Vailöre inrē ngaich ngam mufē chu. Ngönlöre ngam ṙinatö-ellōn chu nö im Paipöl.”
4. Holtö minlēḵṙenre man
Kô-en in hòṅ ahangkö ngam tölöök inhānga kūö e nö tötṙanāngen, mötlö pöri ngam inlahen hī hòṅ ngëichkö inlahen ṙôre öi vënyen e. Vë-evkūö 2 Timôtī 2:24 hēk 1 Pītör 3:15, ngaich kakkö minë intöönö yamih:
Sitih inlahen öm min hang minë inlēnö tö kētu nö in minë miröökö yěm ve-eny nang yip tahëng tö ṙô ngam Paipöl?
Mihôiṅ min yip hol meh, hēk aṅ patī meh inrē, nö sō nö hang ṙô meh. Sitih inlahen öm min? Hēk asuh öp tötkô nö inlahen meh?
Kūö yòh öng ngam inlahen hī nö tövai yěi urěh hatönnyö ellōn yip tarik, tö ngam inlahen hī yěi höng timlö alaha cha nö hang ṙô hī?
5. Teūngen töm ṙanamlōn yěi ahānga
Kē-ěkūö Yēsū ang Yāvē tö ngam la-en inhangkö ngam tölöök inhānga. Sitih ṙô ök misī Yēsū tö ngam la-en kinë-ekūö ò? Vë-evkūö Yôhan 4:34, ngaich kakkö minë intöönö yamih:
Aṅ in yěi nyā nup tö kuchik nya-aṅkūö, ṙamlōn inrē. Kūö yòh ang Yēsū nö asīntö ngam kinheūṅtngen ngam la-en inhangkö ngam tölöök inhānga nö sā nya-aṅkūö ò?
Asuh nup taneūngen hī ṙanamlōn yěi ahangkö ngam tölöök inhānga?
Tö Kalahtuṙen Inlēnö
Vënyu nun ṙung minë ranehnyö ṙô hī öi vë-ekūö tarik nö el minë mīting ihôi minë afta. Kò-òren öm ngëichkö öp haköplöre öm in u.
Kò-òren man kūichhöt minë-enyre el ngam iskul hòṅ meh min öm kētu la-en ngaich ngönlöre, heuveū-en min inrē öm ahangkö ngam tölöök inhānga.
In ngam seksön “Ṙô Yip Tahëng” hēk “Ṙô Yip Tahëng Nö Hatön” nö kētu minë tö chöngṙen intöönö ṙô yip tarik ṙung, kò-òren öm afītöre tö inlahen ṙôre min öm kētö sanapṙô u.
ṘÔ YIP TAHËNG NÖ HATÖN: “Sitih öp lang inlahen hī?”
Yěn ngatī ṙô yip tarik ngaich sitih ṙô min më-eṅ öm löknyö mat ngam Paipöl öm kētö sanapṙô cha?
MINË HAKÖP HĪ NGAICH
Ṙamlōn in yěi ahangkö ngam tölöök inhānga, öt kihngen inrē öi rěhnyôre öi vë-ekūö yip tarik.
Sitih ṙô öm më-eṅ?
Kūö yòh yip tahëng nö hòṅ vënyu nang tö ngam tölöök inhānga?
Kūö yòh öm hòṅ holtö minlēḵṙenre yěm ve-eny nang yip tahëng tö ngam tölöök inhānga?
Sitih inlahen öm kò-òren yěm pa-ekūö öm ahangkö ngam tölöök inhānga?
NGËICHKÖ NË INRĒ
Ngëichkö minë tö lööṙen tö fën kangen inlahen ṙô meh mihôiṅ yěm ahangkö ngam tölöök inhānga hēk aṅ tī tö ngam jw.org contact card.
Inchōḵtö Inlahen Tī Hī Katölngö Ngam JW.ORG Contact Card (1:43)
Töi ngëichkö minë tö fën tötṙanāngen inlahen hī yěi hòṅ kētöre öi ahangkö ngam tölöök inhānga.
“Ngaich Öm Lēntöhëichṙen Im La-en Kinë-e Tarik Nö Kāḵ?” (Chūökamahati-HI, Septempör 2020)
Ngëichkö ngam inchō elmat hī aṅmat ngam Paipöl ngam kamëtö nganöönö hī öi ahānga, pòrô öi ṙòngmöng ayal.
Mikahtökūöre tö inlahen ṙô meh öm vë-eny nang yip aṅ patī re, tö ṙô ngam Paipöl yip tö öl nö akahakūö tö Yāvē.
“Lökngöre Ellōn Tī Tö Yip Aṅ Patīre Töt Mi-im Kanô-en” (Chūökamahati-HI, Māch 15, 2014)