Kūö Yòh Öi Hòṅ Chumkūöṙen Yěi Chumhënöre

Kö inlahen tīre in öi chumhënöre, kupāt keūyöre, halēnlöre inrē. Yēḵ hī min hang minë inlēnö minë tökētu nö imat ngam Paipöl, ngaich mihôiṅ min öi chumhënöre tö nup ööilōnre, haṙamlōn Yāvē min inrē ayī-ö. Ta-a töi ngëichkö në lökngörit chööngö.

1. Kūö yòh öi hòṅ köplōn tö minë lökngörit chööngö aṅmat Paipöl yěi chumhënöre?

Hòṅ lööngö inlahen hēk “hòṅ holtö mikah elmat re in öi chumhënöre tö nup tövai hilā öi hanyöötöre” hòṅ het inrē nup chinhënen hī, hòn löktö in e yip tarik nö akahakūö tö hī öi ‘lamöklōn ngam Tēv’ (1 Timôtī 2:​9, 10 NW) Ta-a töi ngëichken në töfën lökngörit chööngö: (1) Hòṅ chumhënöre ayī-ö tö nup “tövai hilā.” Lohten öm meuk yip prötör sistör chamuh el mīting nö öt hěngren chinhënö hēk kinpātö keūyö inrē. Hameuktöre pöri cha-a nö milēḵṙen tö Yāvē nö in minë chinhënöre. (2) Nup inlahen tī hī chumhënöre hēk halēnöre, hòṅ meūkö ayī-ö “öi hòṅ lööngö” inlahen. Tö ngö manah angū-ö tö hī hòṅ chumkūöṙen öi chumhënöre hòṅ yip mameūkö hī nö öt chōichö mufē hēk höng hatīönken hī inrē. (3) Hòṅ akaha elmat ayī-ö yěi chumhënöre, pön tuföm tufömngöre ngaich në fësön töngamuh lökten öi hòṅ chumkūöṙen yěi havah chehen re. (4) Nup inlahen tī hī min öi chumhënöre hēk halēnöre inrē hòṅ meūkö öi lamöklōn “ngam tökô-en Tēv.”​—1 Kòrin 10:31.

2. Kūö yòh öi hòṅ chumkūöṙen yěi chumhënöre?

Ṙòkhöre in mihôiṅ kö katöllölōnre tö chinhënöre. Hòṅ chumkūöṙen ayī-ö tö mufē yip tahëng tö inlahen nup chehen hī. Hö-ö yip vöh min tahëng nö haṙivlōn tö inlahen në chehen chu? Hòṅ ngëichkö mufē cha ayī-ö. Öi hang ngam inlēnö aṅmat ngam Paipöl, ngam tö ngö ṙô “Tā-a, kö haṙamlōn holre in im tölöök.”​—Vë-evkūö Rōma 15:​1, 2.

3. Sitih inlahen yip min tarik nö yihtöre nö im kanô-en yěn meuk minë tövai chinhënen hī?

Öt hěngren tī in öi chumhënöre hēk halēnöre öi kaheuk ṙētak, mötlö chumkūöṙen pöri öi chumhënöre yēḵ hī öi chuh el mīting hēk ahangkö ngam tölöök inhānga. Hòn chumkūöṙen min yip tarik nö hang ṙô hī, nö un höng ngëichkö nup chehen hī. Lōnu in tö cha nö tūöktöre ellōn nö im kanô-en ngaich “hanyööt ngam inköphöti.”​—Taitös 2:​10.

MIKAHTÖKŪÖRE HĒK

4. Hòṅ hameuktö minlēḵṙenre in tö Yāvē öi in minë chehenre

Töi mikahtökūöre töm tökiröng lāinyngen hī hòṅ chumkūöṙen tö minë chinhënöre. Vë-evkūö Salmai 47:2, ngaich kakkö minë intöönö yamih:

• Vamënyen Yāvē in ayī-ö öi lumnökngen ò sitih inlahen öi min yěn öt vai nup chinhënen hī nö meūkö tö yip tarik?

• Kô-en öi tö lōn meh hòṅ chumkūöṙen tö nup chinhënöre yěi chuh el mīting hēk ahānga inrē? Kūö yòh öm ngatī mufē?

5. Sitih inlahen öi min katöllö nup chehenre?

Röngnyöm VITIŌ.

VITIŌ: “Harōilö Ngam Tēv Inup Taṙòkhöre La-enre” (10:18)

Pòrô nup chehen hī nö töpōiṙāi hēk hö-ö, sön anū-ö nöng hòṅ het, hòṅ sāḵta vanāyö inrē nö in minë la-en tö kēkaṙen tö hī. Vë-evkūö 1 Kòrin 10:24 hēk 1 Timôtī 2:​9, 10. Ngaich kakken në, kūö yòh öi ötkô chehen tö . . .

• nup tö yahlö kinhōyö hēk töt vāyö mineūkö inrē.

• nup töyahlö nganëtö hēk tö nyes inrē, nup vamītö nup tötlöng mufē elkuilōn hī.

Pòrô in ayī-ö Kristīön öt elkatòh chööngö Môsös, sön pöri öi akahakūö tö mufē Yāvē öi löktö in minë chööngö ò. Vë-evkūö I.Chööngö 22:5, ngaich kakkö ngih intöönö yamih:

• Kūö yòh öi min öt chumhënöre hēk kupāt keūyöre, öi hòṅ sā mineūkö kikōnyö yěi kikānö, ngaich sā mineūkö kikānö yěi kikōnyö?

Vë-evkūö 1 Kòrin 10:32, 33 hēk 1 Yôhan 2:​15, 16, ngaich kakkö minë intöönö yamih:

• Kūö yòh öi hòṅ chumkūöṙen, hòṅ më tahëng hēk më hol maneuk hī el ngam māṅ nö öt kihngen yěn meuk minë chinhënen hī?

• Sitih inlahen chinhënen yip tarik i panam meh töngamuh, sitih inlahen yip yěn halēnṙenre?

• Ōt nup chehen in u tö lōn meh tötkô nö chehen vē tökô-en Kristīön? Kūö yòh öm ngatī ṙô?

MINË HAKÖP HĪ NGAICH

Yēḵ hī min holtö mikah elmatre öi chumhënöre ahet nup chehenre inrē, ngaich vāyö mineūkö min ayī-ö, hameuktöre inrē öi milēḵṙen tö Yāvē, tö yip tahëng inrē.

Sitih ṙô öm më-eṅ?

• Kūö yòh öng nö töpōiṙāi nö imat Yāvē tö minë chehen hī nö hòṅ het hēk vai inrē?

• Asuh nup lökngörit chööngö imat ngam Paipöl tö hòṅ kanöplōn hī yēḵ hī öi chumhënöre?

• Sitih ṙô yip min tarik tö Yāvē hēk tö ngam inhānga aṅ in ò, yěn meuk nup chinhënen hī?

NGËICHKÖ NË INRĒ

Sitih inlahen ön minë chehen meh nö vë-eny ngam tinrīken meh? Töi mikahtökūöre.

“Sitih Inlahen Ön Në Chehen Chu?” (El vepsāit töhakööpö)

Kūö yòh öng nö vai yěi urěh ngëichkö ṙòng ngam inlahen re öi vītö mirun [tattoo] alahare?

“Sitih Ṙô öng Ngam Paipöl tö Minë tö Vītu Mirun Alaha” (El vepsāit töhakööpö)

Asuh nup inrē lökngörit chööngö tö hòṅ kanöplōn hī yěi katöllö chinhënöre.

“Rōilö Ang Ngam Tēv Nö Löktö In Minë Chinhënen Meh?” (Chūökamahati, Septempör 2016)

Kihngen sin ngam yöngnyīö nö ṙatö-ellōnre tö hī mihôiṅ katöllölōnre tö inlahen chinhënenre. Sitih inlahen ngaich ngam mufē ò nö löökta, unôichrit inlahen ò nö haköp ngam kanô-en.

“Lökngen Fanukngö Chu Sin Minë Chinhënö Töm Kinūötö Keūyö” (Hīnöre!, Tisempör 22, 2003)