Vòchtavör ÒNLĀIN LAËPRËRĪ
Vòchtavör
ÒNLĀIN LAËPRËRĪ
Nicobarese
  • PAIPÖL
  • LĪPÖRE
  • MINË MĪTING
  • g21 no. 1 pp. 8-9
  • Inlahen Hī Yěi Hòṅ Ṙamlōn

Öt ōt vitiō nö in ngih katöllö meh pāt.

Aṙēlen hī, öt taōnlōtngöre ön ngam vitiō.

  • Inlahen Hī Yěi Hòṅ Ṙamlōn
  • Hīnöre!—2021
  • Minë Tökūöṅnö Kui
  • Ātiköl Tö Sāḵta Ṙô Nö In Höö
  • Ötkô Öi Ṙāhata La-evṙen
  • Ötkô Öi Michūḵṙen
  • Ötkô Öi Yahlölōn Tö Rupīö
  • Katöllö Öp Tölöng Inkööpö
  • Sitih Ṙô Ngam Paipöl Töm La-en Hēk Töm Pësa
    Mihôiṅ Man Örheūheu Ṙamlōn!—Ngëichkö Ṙô Ngam Paipöl
Hīnöre!—2021
g21 no. 1 pp. 8-9
Kiröön ngam yöngnyīö tö ngam kūön ò nö lök el Pachār i Intiā nöng ṙamlōn. Pōyen havah më tahëng tö chinhënen re.

Inlahen Hī Yěi Hòṅ Ṙamlōn

Ṙòkhöre in hòṅ ṙāmlōn pôrò ṙālö, tököiny, pôrò töpīhövö hēk töt pīhövö inrē. Ngati lōn an inrē ngam Vamīlen hī, lökten ò nö kētö inlēnö hī.

Ötkô Öi Ṙāhata La-evṙen

“Hökngen ò pöri lahëḵ nö la-evṙen, hakôtö tīre tö tölöök, hòṅ ò nö huveū-en nö kē-ĕkūö ngam [töhāṅten].”—EFISÖS 4:28.

Lōnuvö ngam Tēv tö hī la-evṙen. Yöölen ayī-ö yěi hang ṙô ò. Yē hī la-ënuvö, ngaich mihôiṅ min öi hateūngö nup kuilōn ngam mikūönöre hēk yip hol hī tö hòṅ hayöökaṙen. Öthō inrē ṙānyu ṙā-ang el kinmānöre, pò öp Pôs nö ṙāmlōn nö in hī. Löngöṙô ngam töhet līpöre tö ngòh tarik tö la-evṙen nö nyā ṙòng nup la-enre min anga-aṅ “Pòn inlōnti kahë tö ngam tēv.”—Mumkahten 3:13.

Ötkô Öi Michūḵṙen

“Mikah tuṙen in töre öi lööken elkuilōn, öi hòṅ chiplö i taṙòkhöre.”—HEPRĀI 13:18.

Öt hēngö vanööṙö ön ngòh tö chiplen tarik, kuchik mat nö haṙòh inrē. Pōyen tarik ṙāmatö-ellōnre nö in ò, milēḵṙen inrē tö ò. Aṙē-ěvö pöri ngòh tarik tö michuḵṙen, örheūheu anga-ṅ nö vöö kuö nup tövach la-enre, vöö inrē anga-aṅ töre nö kôti.

Ötkô Öi Yahlölōn Tö Rupīö

“Ui aṅhaṅv-in tö hanāngen tö rupīö, ngāichö ṙôngònglōn tö nup in yīö inlānen.”—HEPRĀI 13:5.

Lōnu in tö rupīö öi kē nup kuilōnre. Ngòh tarik töyāl tö rupīö mahayih kanihngenre anga-aṅ. Yē ò nö örheūheu nö hamūl rupīö, öt ṙētakvö min anga-aṅ nö in yip mikūönöre. Mihòiṅ min nö taṙōl ngam pinīhö tö cha ngaich hēk vahavö min nö kô-òren. (1Timôtī 6:9, 10) Michuḵṙen ön ngòh tarik töyāl tö rupīö. Lökten öp tö akaha tarik nö ngöṙô, “Pōyen inkôlò an min ngòh tökô-en tarik, anga-aṅ pöri tökurāten nö hôṅ kôlò öthō min nö kiröönngöre nö öt sācha.”—Inchōḵ-oṙô 28:20.

Katöllö Öp Tölöng Inkööpö

“Haköp tökô-en mikah inkaha inrē.”—INCHŌḴ-OṘÔ 3:21.

Mihôiṅ in yöölen tö nup haköpre löktö el Iskūl pöi teūngen tö la-enre hēk mihòiṅ ha-aṅ nômö mikūönöre. Mihôiṅ in ṙung öt teūngen tö ṙanāmlōn yěi pôrò pōihölö el Iskūl. Yē hī pöri hôṅ teūngen töp tö kô-en ṙanamlōnre ngaich hôṅ haköp ayī-ö im tēv. Ngö ṙô an ngam Töhet līpöre yip hamangṙô ngam Tēv, “Kôlò min inrē nup töng vahiṙen ò.”—Salmai 1:1-3.

Ṙāmlōn chu-ö tö nup töng aṅ in re

Ngöṙô ang Kishōr, “Yip aṅ panam chu tarik tö pōihöl nö haköp, Pò cha nö hòṅ hamūl rupīö. Höng öt ṙanāmulōn pöri cha-a, haköplu chu-ö töp tö mötlö ṙô aṅ mat ngam Paipöl. Pōyen la-en an ngam rupīö, öt teūngen pöri ayī-ö töp tö kô-en holre hēk tö kô-en ṙanāmlōn. Haköplu chu-ö im līpöre tö hī hōtu la-evṙen, uh pöri fachūḵ rit rupīö. Hang nup inlēnö chu-ö lökten öich ṙāmlōn in nup töng aṅ inre.”

Kishōr.

Hēk ṙūöhtö mikahkūöre:

Asuh nup inlēnö kahëtö ngam Tēv i alaha ngam kinmānö, rupīö, hēk töm inkööpö inrē? Kò-òren öm chöh sanapṙô ngam intöönö el ngam website jw.org im BIBLE TEACHINGS > PEACE & HAPPINESS.

    Ṙô Tarik Līpöre (2014-2025)
    Log Out
    Log In
    • Nicobarese
    • Söömhang
    • Prifrens
    • Copyright © 2025 Watch Tower Bible and Tract Society of Pennsylvania
    • Köntisön hī öi Yūs
    • Praivēsī Pòlisī
    • Praivēsī Seting
    • JW.ORG
    • Log In
    Söömhang