Ṙūöhtö Mikahkūöre Tö Ngam Tēv
Hö-ö ön ngam Tēv nö kumlēḵ, kô-en nö ōt anga-aṅ, mihôiṅ nö meuk, mihôiṅ inrē nö hangihtöre hēk mihôiṅ inrē nö akahaiṙen. Pōyen vahënyi an tö minë inlahen hī. Lōnu inrē anga-aṅ tö hī öi mikahtökūöre tö ò hēk haröhtöre ayī-ö öi holre lōn tö ò. (Yôhan 17:3; Yāköp 4:8) Ta-a chěi töi ṙūöhtö mikahkūöre tö inlahen ò.
Ōt Ngam Minë-eny Ngam Tēv
“Hòṅ cha nö akahalōn tö Meh höng Me-eṅ, Öm tö minënyu tö Yāvēh Lamātulöng tö në panam nö ṙòkhöre.”—SALMAI 83:18.
Vë-eny nang hī ngam Töhet līpöre tö ngam Tökô-en Tēv nöng hěng tak. Anga-aṅ Vamīlen ngih panam töm halīöngö minë taneūsömat hēk tö në tö aṅ inrē ikūö ngih panam. Lökten nöng anga-aṅ tö kētu ineū-euṅ.—Inmeukhömat 4:11.
Hangenlōn Ngam Tēv Tö Hī
“Pò ngam Tēv nö hanāngenlōn.”—1 YÔHAN 4:8.
Meuk minë tövai tinrīken Yāvē in min, yěi vë-ekūö ngam Paipöl, chumkūöṙen inrē öi ngëichkö minë vahīlö ò. Ngam hanāngenlōn ön töt ṙanāngen nö tinrīken ò. Nup töng kahëken ò la-en holtö hanangenlōn re anga-aṅ nö kēken u. Asā inlahen hī min haköp inlahen ò, sīöp min ngam hanāngenlōn hī tö ò.
Ma-aṙě-ěl Tökööl an ngam Tēv
“Tēv pöri më-eṅ tölēnen aṙē-ĕl.”—NAHIMIĀ 9:17.
Akahakūö ang Yāvē tö hī öi öthō öt vaichköreṙen, lökten anga-aṅ nö örheūheu ‘nö lēn nö aṙēlen hī.’ Yēḵ hī havëkö inṙě-ěl re in ò hěnghöre halööktit re inrē, ngaich öthō anga-aṅ nö öt aṙēlen hī, öthō inrē nö kētö sacha hī tö nuk tö urěh fālen hī. —Salmai 103:12, 13.
Lōnu An Yāvē Tö Hī Öi Vë-ekūö Ò
“Röhta An ngam Mā nö in cha yip mahavëken Ò . . . Hang ṙô cha An min inrē.”—SALMAI 145:18, 19.
Yēḵ hī öi hòṅ vë-ekūö Yāvē ngaich mihôiṅ ayī-ö öt ṙātö minë insā öi ikūö re. Yēḵ hī pöri öi vë-ekūötēv ngaich chumkūöṙen anga-aṅ tö ṙô hī, pò ò nö hangenlōn tö hī sā inlahen më inyööngö nö hangenlōn tö më kūön re ngaich hang ṙô cha.