Ekspirīön

Holtö Miṙēḵlōnre Hayööken Yip Tahëng

Hěng tak ngam sistör hī aṅ Niū Chilënt mameuk ngam vitiō el ngam jw.org. Vënyu inlahen ngam Tēv Yāvē nö imat ngam vitiō nö tö tööḵlö tö miṙēlōn, hameukten e inrē anga-aṅ. (Isa. 63:7-9) Ngö ṙô lōn ngam sistör tö ò min nö kēkö kaha minë haköpre ngaich hayööken yip tahëng. Unôichrit e angū-ö sakāmö, hē ò nö havah nyā-akūöre ngaich hěngtak ök töyāich yöngnyīö vamë-ekūö ò ök töt rēhěn nö patī-ivö. Ngöṙô ngam sistör nö in ò töre nö hòṅ havah nyā-akūö ò ngaich hō-en ngam ṙô ò ngaich ngam yöngnyīö. Kumtö nyā-akūö ò ngaich ngam sistör ngaich kē-ekūö ò tök tö hěng tö kun līpöre Hēṙun min në Kanihngen Nö Chuhngöre?

Peuiny ngaich ngam yöngnyīö. Vë-enyre anga-aṅ nö haköptu tö nap yöngre tö inlahen Yāvē ik sā ò nö ṙömöng kun kun, ṙāngenre pöri anga-aṅ nö haköp.Ngaich höng fömngöre ṙen inrē anga-aṅ nö havëkö kūö Yāvē tö inyöökenre nö havan nö in ò. Kē-ekūö ò ngaich ngam sistör tö ngam Paipöl ngaich halēnlö inlahenre nö kē istötī ò.a

Mihôiṅ in inrē ayī-ö asīnken Yāvē öi īnu tö ngam miṙēḵlōnre öi hayööken yip tarik, yip hanöngkisanö re hēk yip holmaneuk hī el ngam māṅ. Mahameuktö ngam miṙēḵlōnre in inrē yē hī öi ngěichkö ṙētakre im ahānga.