Kutsana

Ditshina da mlayo: “Txizimu txathu txi hi ningile mtamo wa ku mi txhumayela Evhangeli.”—1 Vat. 2:2.

Ati Jesu a nga ti maha

Vathu ve xamala mbimo Jesu a nga txi gela Zakewu to e txhika ngu txitimwi ka mndonga.

VHIDHIYO: Jesu atxi txhumayela Zakewu

1. Wona VHIDHIYO, mwendo kulera Luka 19:1-7. U gwita u alakanyisisa ngu siwotiso siya:

Ngu tihi ti ti nga vako ti di mahile to vathu vo kari ve vayilela Zakewu?
Hambiketo, njitxani txi nga maha to Jesu e mtxhumayela mahungu a manene?

Hi gonda txani ka txikombiso txa Jesu?

2. Ti lava hi tsana kasiku hi kota kutxhumayela didungula da Mfumo ka vathu votshe.

Etetela Jesu

3. Themba Jehovha. Moya wa Txizimu wu ningile mtamo Jesu ti to e kota kutxhumayela, nawe wu nga kuvhuna. (Mat. 10:19, 20; Luka 4:18) Kombela Jehovha e kuvhuna u tsana kasiku u txhumayela avale u va wonako va txi thisa.—Mith. 4:29.

4. U nga tutumele kulamula vathu. Hi nga thuka hi kana-kana kubhula ni vathu ngu mhaka ya ti va wonekisako tona, kuganya, wusiwana, mahanyelo mwendo wukhongeli wawe. Kambe khumbula tiya:

Jehovha ni Jesu va sikota kulera timbilu ta vathu, kambe athu kha hi sikoti.
A walo awu a si fanelwiko ngu wuxinji wa Jehovha.

5. Dinganisela ko va wo tsana, txixonipho ni ku tiwonela. (Mat. 10:16) Vayilela kuphikizana. Ngako m’thu a si kombisi kutsakela mahungu a manene mwendo u txi tipfa u di haphangoni, ngu txixonipho vhala dibhulo.—Mav. 17:14.

WONA NI

Mith. 4:31; Vaef. 6:19, 20; 2 Tim. 1:7