Txikombiso txa dipasi

• Womba mu u zumbako kona. Ngako u si ti tsakeli kuzivisa a mu u zumbako kona, u nga womba mu yimanekako kona Nyumba ya Mfumo ngako u di mani mtumelelo wa madhota. Kambe khumbula, U NGA THUKE u bhala a mu yi menekako kona hofisi ya didhavi kota wukhalo wu va nga kurumelako kona mapasi.

• Thumisa ditina dakwe ngako u txi di ziva. Eto ti na vhuna awu u bhalelako ene kupfisisa ti to dipasi kha di tsimbitisani ni ta mabhindo.

• Wonisisa kwati mabhalelo, ni mapontu. Dipasi di fanete di tshura. Ngako u txi bhala ngu manza, di fenete kuhehuka ku di lera. U fanete kuthumisa mabhalelo o dinganisela, ma si kombisi txithavo txo pinda mpimo kambe i si nga a txingana txo pinda mpimo.

Dipasi adi di londiselako da kombisa ti hi nga mahisako tona. Kambe kha ti wombi ti to mbimo yotshe yi u bhalelako m’thu wa wukhalo wako, u fanete kukopiyara mapswi awa. Dipasi dako di fanete di yelana ni ti u lavako kuwomba, txiemo txa wukhalo, ni ti ti nga toloveleka.