Lava gondo yi yi tako ngu ka Jehovha

NGU TXANI I DI TA LISIMA: Jehovha M’gondisi wa hombe, wa hi ninga gondiselelo ya yinene ngutu. Wa hi gondisa kuhanya wutomi wa wunene ni ku hi lungiselela wumangwana wo tsakisa mahala! (Isa 11: 6-9; 30:20, 21; Mtu 22:17) Gondo yi yi tako ngu ka Jehovha ya hi lungiselela ti to hi txhumayela didungula adi di hulukisaku wutomi wa vathu.—2 Vak 3:5.

HI NGA TI MAHISA KUTXANI:

• Sakulela ku tiveka hahatshi ni ku va wo thutha.—Mas 25:8, 9

• Tumela ku kugondiswa ngu Jehovha, aku hi ku manako konku ka siavelo sa vagondi ka mitshangano ya hagari ka divhiki.

• Tivekele makungu a moya ni kulwela ku ma hokelela.—Vaf 3:13

• Maha kutxitxa ku kulavekako ti to u tumela ku gondiswa.—Vaf 3:8

XALELA VHIDHIYO YI YI KU: KATEKO YO GONDISWA NGU JEHOVHA, U GWITA U XAMULA SIWOTISO SI SI LONDISELAKO:

• Ngu sihi sikarato asi vahuweleli vamwani va nga si xula ti to ve ya ka Txikolwa txa Vatxhumayeli va Mfumo?

• Ngu yihi gondo ayi Txikolwa txa Vatxhumayeli va Mfumo txi yi ningelako?

• Siro sa dibanza si va vhunisile kutxani vanathu ava va nga ya ka Txikolwa txa Vatxhumayeli va Mfumo ve gwita ve mana txiavelo txo tshumelela mabanzani kwawe?

• Ngu tihi ati ti lavekako ti to u bela ka Txikolwa txa Vatxhumayeli va Mfumo? (kr-T 189)

• Ngu yihi yimwani gondo ayi sengeletano ya Jehovha yi hi ningako yona ayi u tsakelako ku yi maha?