Vaphya—“khutalani ka mithumo ya yinene”

Ka dipapilo di Paulo a nga bhalela Titosi, a wombile ti to vaphya kupata ni Titosi va fanete ve “va txikombiso txa mithumo ya yinene.” (Tit 2:6, 7) Ngu msana, ka ndima yona yi ya yimweyo, a kombisile ti to vathu va Jehovha va basisilwe ti to veva ava va “khutalako amu ka mithumo ya yinene.” (Tit 2:14) Wumwewo wa mithumo ya kona ngu txhumayela ni kugondisa ngu Mfumo wa Txizimu. Ngako u di mphya, ina u nga thumisa mtamo wa wuphya wako ti to u thuma kota nyaphandule wo vhuneta mwendo wa mbimo yotshe?—Mav 20:29.

Ngako u txi tsakela kuthuma kota nyaphandule, ti lava u maha txiemiso ti to u hokelela makungo oneyo. (Luk 14:28-30) U fanete ku alakanyisisa ngu tiya: U nga maha txani ti to u kota ku mana so tihanyisa ngu sona u ti ka mthumo wa mbimo yotshe? Una maha txani ti to u kota ku eneta mahora aya ma lavekako? Veka mhaka yoneyo ka Jehovha ngu mkombelo. (Mas 37:5) Bhula ngu makungo ako ni vaveleki vako mwendo ku kombela txivhuno ka va i ku kale i ti vanyaphandule. Ngu msana teka mazambo. Jehovha a na katekisa mizamo yako!

XALELA VHIDHIYO YI YI KU: THUMISA WUPHYA WAKO TI TO U DHUMISA JEHOVHA, U GWITA U XAMULA SIWOTISO SI SILONDISELAKO:

• Ngu sihi sikarato asi vanyaphandule vamwani va nga tshangana naso, ni ku va si xulisile kutxani?

• Vaveleki va nga va vhunisa kutxani vanana vawe ti to ve belela mthumo wa wu nyaphandule?

• Ngu kutxani ti di ni lisima kuva ni txiemiso txa txinene txo txhumayela?

• Siro sa dibandza si nga va kuzetisa kutxani ni ku vhuna vanyaphandule?

• Ngu ahi makatekwa aya vanyaphandule va ma manako?