Mareferensiya a txibhukwana txa mitshangano ya Mahanyelo a Wukristu

4-10 KA NOVEMBRO

TITHOMBA TA MU KA DIPSWI DA TXIZIMU | 1 JOHANI 1-5

“Mi nga randeni ditiko, hambi ni si si ku ha mafuni”

w05 1/1 10 ¶13

Simama ka txikombiso txi Jesu a nga txi siya

Vamwani va nga pimisa ti to hi nga sotshe si ku ha mafuni si nga biha. Kambe, silo sa mafu ni si phati-phati sa ona si nga hi tsulupeta ka kuthumela Jehovha. Kha ku na ni txa tximwetxo atxi i ku txa ditiko txi nga hi vhunako kutshuketela ka Jehovha. Ngu toneto, ngako hi txi dhunda sa mafu, hambi silo si i ku sa sinene si nga tshumela si va si si hi pengisako. (1 Timoti 6:9, 10) Txitimwi keto, so tala asi i ku sa ditiko hi nga sa sinene ni ku si nga va ni phango. I di ti to hi tolovela kuxelela mafilmi mwendo milongoloko ya TV ayi yi kombisako wugevenga, kudhunda tithomba ni wugelegele, ngu mbimo hi nga ti tolovela hi tshumela hi ti wona ti sa biha. Ngako hi txi va ni wungana ni vathu ava mapimo awe ma ku ka silo so tsakisa nyama, mwendo vo zumbela kupimisa ngu ta mabhindu nathu ti nga tshuka ti hi belela, se hi ti thangetisa ka wutomi wathu.—Matewu 6:24; 1 Vakorinto 15:33.

w13 15/8 27 ¶18

U fanete kuva m’thu wo zumbisa kutxani?

Timwani ti nga hi vhunako kwa mbi dhunda “si si ku ha mafuni” ngu khumbula mapswi a Johani aya ma ku khene: “Ditiko da pinda ni kunavela ka dona, kambe awu a mahako kuranda ka Txizimu, a zumba ngu ha ku si gumiko.” (1 Johani 2:17) Mafu a Sathani ma nga woneka nga kha ma na mbi pinda. Kambe, data ditshiku adi ma no loviswa. Kha ku na txi mafu a Sathani ma nga hi ningako txi no zumba mbimo yotshe. Ngako hi txi khumbula toneto, ti na hi vhuna ku hi si zwetwi ngu milawu ya Sathani.

Lavetela tithomba ta moya

w13 15/9 10 ¶14

Sialakanyiso sa Jehovha sa thembeka

Mibhalo ya Txigriki yi tate ngu sialakanyiso mayelano ni kukombisa lirando ka vamwani. Jesu a ti khene mlayo wa hombe ka yotshe ngu “randa muakelani wako nga ti u ti randisako tona awe upune.” (Mat. 22:39) Ngu kufana, Jakobe mnanda wa Jesu a wombile to kurandana “mlayo wu i ku wa hombe ka yotshe.” (Jak. 2:8) Mpostoli Johani a bhate tiya: “Vorandeka ngutu, hi nga txirumo txa txiphya ni mi bhalelako, aniko njirumo txa kale, ni nga txi amukela kukhukhela makhatoni.” (1 Joh. 2:7, 8) Johani a txi lava kuwomba txani mbimo yi a nga khene “njirumo txa kale”? Ene a ti womba txirumo txo kombisa lirando. Txona nja “kale” nguko Jesu se a ti va ningile txirumo txonetxo kale, “kukhukhela makhatoni.” Kambe, njirumo txa “txiphya” nguko ti txi lava ti to vagondiswa ve kombisa lirando lo thangetisa silaveko sa vamwani, i ku lirando li li ndi no laveka ngako va txi manana ni kutxitxa ka siemo. Kota vagondiswa va Jesu ti lava hi kombisa kubonga ngu sialakanyiso soneso asi si no hi vhuna kwa mbi tshapelwa ngu moya wo alakanya ngu tathu dwe awu wu fumako ka mafu yawa a Sathani.

it-3 243 ¶3

Divalelo

Kha ta biha ku kombela ku Txizimu txi divalela vamwani, hambi ku kombelela dibanza. Mosi a mahile toneto, a kombete ku Jehovha e divalela ditiko da Israyeli e tshumela e womba tiphazamo tawe, Jehovha a mu engisile. (Mit. 14:19, 20) Solomoni nene a mahile toneto ngu mbimo yo ningetela dithepele, ene a kombete Jehovha e divalela vathu vakwe ngako va txi phazama ve tshumela ve ti sola. (1 Vafu. 8:30, 33-40, 46-52) Ezra a wombile tiphazamo ta vakhozeli kulowe ava va nga ti wuya ngu wukhumbini ka Bhabhilona. A mahile mkombelo wo hiseka ni ku va tsanisa, ngu toneto vathu va ti sote ka sionho sawe kasi ku ve divalelwa ngu Jehovha. (Ezra 9:13–10:4, 10-19, 44) Jakobe a kuzetile awu a lwalako ngu didhawa da Moya ti to e kombela madhota a dibanza ku me mu kombelela, se “hambi a di mahile sionho, si na divalelwa.” (Jak. 5:14-16) Kambe, ku ni “txionho txi txi yisako kufani,” i ku kuonhela moya wo sawuleka ngu kumaha txionho kha kwenye, txionho txo nga txonetxo kha ku na divalelo. Mkristu kha fanela ku khongelela vathu va va mahako sionho soneso.—1 Joh. 5:16; Mat. 12:31; Vaheb. 10:26, 27

11-17 KA NOVEMBRO

TITHOMBA TA MU KA DIPSWI DA TXIZIMU | 2 JOHANI 1 – JUDHA

“Hi fanete hi lwela kusimama hi va ditshurini”

w04 15/9 11-12 ¶8-9

“Zumbani mi di tsani ta tinene ka Mkoma”

Ha ma ziva marindi a Sathani, nguko Mibhalo ya hi gela ngu marindi akwe. (2 Vakorinto 2:11) Ka wamwanna wo thembeka Jobe, Sathani a thumisile sikarato sa hombe sa wusiwana, ku felwa ngu va ava dhundako, ku kanetwa ngu maxaka, sikarato sa malwati ni ku poyilelwa ngu vangana vakwe. Jobe a gumile mtamo, e pimisa ti to Txizimu txi mlekile. (Jobe 10:1, 2) Hambi ku nyamsi Sathani a si si thumisiku ngu ku kongoma sikarato siya, Makristu o tala ma manana ni sikarato si si fanako, se Sathani a nga si thumisa ti to e wuyelwa.

Ka masiku ya o gwitisa, ka engeteleka tiphango ka wumoya. Hi hanya ka ditiko adi vathu va kona va thangetisako tithomba kupinda silaveko sa moya. Madungula mamwani ma womba ti to ku tiñola ko biha ngu ta mataho ngu mba txona txisima txa litsako, hahanze kova i di phango. Se vathu va vangi va ti maha “ava va randako ngutu so tsakisa nyama kupinda kuranda Txizimu.” (2 Timoti 3:1-5) Hi txo mbi “lwela likholo”, mialakanyo yiya yi nga va ni phango ka wumoya wathu—Judha 3.

Lavetela tithomba ta moya

it-1 62 ¶1

M’buso wa lirando

Bhiblia kha yi wu txhamuseli m’buso wa lirando, nem kha yi wombi ti to wu txi mahwa makhambi mangahi. (Judha 12) Va sa rhumwa ngu mkoma Jesu Kristu, mwendo ngu vapostoli, ngu toneto kha ha fanela ku wu teka i di txikolokolo mwendo wa mbimo yotshe. Vamwani va womba ti to i ti mkhuwo awu wu nga ti mahwa ngu Makristu aya ma nga ti naso, se me rhamba ale i nga ti sisiwana. Vo felwa ngu vaveleki, tinoni, vo ganya ni va va nga ti nasonyana, va ti sengela kumweko kota vangana ve tidila ka meza yo tala ngu sakudya.

it-3 456 ¶ 6

Dirigwi

Dipswi dimwani da Txigriki adi diku, spi·lasʹ ngu kukongoma di womba dirigwi mwendo txiwindi atxi txi zumbako hahatshi ka mati. Di thumisilwe ngu Judha ti to e kombisa vavanma vo kari va wukanganyisa ava va nga txi ti beta hagari ka dibanza da Wukristu. Kufana ni dirigwi hahatshi ka mati adi di nga dhibhako dibhoti, ngu ha ku fanako vavamna vonevo ngu ditshuri va ti maha phango ka vamwani mndani ka dibanza. Ene a wombile tiya: “Vathu vava ngu vona i ku sikhuvekiso mibusoni kwanu ka lirando, va dya va si na tingana.”—Judha 12.

wp17.1 12 ¶1

“Ene a tshakisile Txizimu”

Enoki a profetile txani? Bhiblia yi womba tiya: “Wonani, Mkoma wa ta kumweko ni mabutho akwe o sawuleka a mazanazana, kuta lamula votshe vathu, ni kuta thethisa votshe va va si thaviko Txizimu, ngu mhaka ya yotshe mithumo yawe yo biha, va nga yi maha, ni mhaka ya otshe mapswi a kubiha, aawa vawonhi va nga txi ruka ngu ona.” (Judha 14, 15) Txo tsakisa ka wuprofeti wa Enoki ngu ti to mapswi ma kombisa nga ndimhaka ati se ti ko maheka. Vaprofeti vo tala vamwani ava va nga humelela msana ka Enoki ni vona va womba-wombile ngu wuprofeti wa mbimo yi yi tako nga se wu to hetiseka. Eto ti kombisa ti to wuprofeti wu na hetiseka ni ku mbwa ditshuri aha koza mprofeti e womba-womba ngu wona nga wo hetiseka!—Isaya 46:10.

wp17.1 12 ¶3

“Ene a tshakisile Txizimu”

Likholo la Enoki li maha hi tiwotisa tiya: Ina nyamsi hi wona mafu ngu nzila ayi Txizimu txi ma wonako ngu yona? Didungula da wulamuli adi Enoki a nga di huwelela di ni mtamo ni nyamsi wo fana ni wu di nga ti nawo mbimoni yakwe. Jehovha a hetisisile wuprofeti wa Enoki mbimo yi a nga tisa Ndambi e thavisa wubihi ha mafuni. Ndambi njikombiso txa kulovisa ka hombe aku Jehovha ano ku tisa mbimo yi yi tako. (Matewu 24:38, 39; 2 Pedro 2:4-6) Nyamsi Txizimu kumweko ni tingelozi ta txona to sawuleka va ti emisete kutisa wulamuli ka ditiko diya do biha. Nathu hi fanete ku zivisa vamwani didungula da Enoki ti to i si nga kale Jehovha a na heta mafu yawa o biha. Vangana ni maxaka athu va nga ti hambanisa ni nathu. Mbimo yimwani hi nga tipfa hi di hokha. Kambe Jehovha kha leka Enoki, se nathu nyamsi kha na mbi thuka e hi leka!

18-24 KA NOVEMBRO

TITHOMBA TA MU KA DIPSWI DA TXIZIMU | MTULETELO 1-3

“Na yi ziva mithumo yako’’

w12 15/10 14 ¶8

U kombisa moya wa muxaka muni?

Ti to hi vayilela moya wonewo hi fanete kukhumbula ti to Bhiblia yi txhamusela Jesu i di wu a ku ni ‘mtxhanu wa tinyeleti ni timbidi ka dianza dakwe da txinene.’ “Tinyeleti” ti emela vathangeli va i kuvasawuleki, kumweko ni votshe vathangeli ava va ku mndani ka dibanza. Jesu a nga thangela “tinyeleti” ti ti ku ka dianza dakwe da txinene ngu nzila yi a yi wonako i di ya yinene. (Mtu. 1:16, 20) Kota msungo wa dibanza da Wukristu, Jesu wa wonelela kwati mmidi wa madhota. Ngako ku di ni didhota di di lavako kukawukwa, Awule ‘maso akwe ma fanako ni dituro da mndilo’ a na tiwona, e tshumela e ti lulamisa ngu mbimo ni ngu nzila ayi a yi wonako yi txi fanela. (Mtu. 1:14). Athu txathu ngu simana hi kombisa txithavo atxi txi fanelako ka va va nga sawulwa ngu moya wo sawuleka, ngu ha Paulo a nga womba ngu kona a txi khene: “Engisani vathangeli vanu, mi txi ti veka hahatshi masoni kwawe; nguko ngu vona va karatekelako mimoya yanu. Ngu vona va no ya angula ati ti dinganako yona. Ngu toneto, va na sikota kuthuma mthumo wawe ngu kutsaka, va si wu thumi ngu kudila. Nguko eto, nga ti si mi vhuni txilo.”—Vaheb. 13:17.

w12 15/4 29 ¶11

Jehovha a ti emisete ku hi hulukisa

Ngu kuya ngu m’woniso wu wu ku ka Mtuletelo ndima 2 ni 3, Jesu Kristu awu a nga dhumiswa wa wonelela mtxhanu wa mabanza ni mambidi a Asiya wa M’dotho. M’woniso wu kombisa ti to Kristu kha woni mabanza kota mtxawa, kambe a wona mhaka yimwani ni yimwani ngu kukongoma ayi yi mahekako mndani ka dibanza. Mbimo yimwani a womba matina a vathu va dibanzani, se ka mhaka yimwani ni yimwani wa ndunduzela ni kukawuka ngako ti txi laveka. Eto ti kombisa txani? Ka kuhetiseka ka m’woniso, mtxhanu wa mabanza ni dimwedo ma emela mtxawa wa vasawuleki, kukhukhela ngu 1914, se sialakanyiso si si nga ningwa mtxhanu wa mabanza ni mambidi, si ya ka otshe mabanza aya makuho konku a vathu va Txizimu a ha mafuni kotshe. Ngu toneto kha hi nge kanakani ti to Jehovha wa thangela vathu vakwe ngu kuthumisa Mwanana wakwe. Se hi nga wuyeliswa kutxani ngu sialakanyiso soneso?

w01 15/1 20-21 ¶20

Tsimbitisana ni sengeletano ya Jehovha

Ti to hi tsimbitisana ni sengeletano ya Jehovha ti lava hi ziva txiavelo atxi Jesu Kristu a nga ningwa ngu Jehovha txo va “msungo wa Dibanza.” (Vaefesu 5:22, 23) Timwani ti hi fanelako ku ti ziva ngu ti ti ku ka Isaya 55:4, a yi yi ku khene: “Wonani ta ku ani [Jehovha] ni m’vekile kuva fakazi ka vathu, kuva mthangeli ni mfumeli wa vathu.” Ngu ditshuri Jesu wa tiziva kuthangela. Ene a tshumela e ziva tinvuta takwe ni mithumo ya tona. Mbimo yi a nga ti wonelela mtxhanu wa mabanza ni mambidi a Aziya wa m’dotho, a wombile tiya: “Na yi ziva mithumo yako” mtxhanu wa makhambi. (Mtuletelo 2:2, 19; 3:1, 8, 15) Kufana ni Tate wakwe Jehovha, Jesu wa si ziva silaveko sathu. A si se khata Mkombelo wa Txikombiso Jesu a ti khene: “Tate wanu wa si ziva sotshe si mi si pwatako, mi sinzi ku mkombela.”—Matewu 6:8-13.

Lavetela tithomba ta moya

kr 226 ¶8, 10

Mfumo wa Txizimu wu na heta valala va wona

Wuprofeti wa Jesu mayelano ni masiku a magwito wu kombisa ti to ku na va ni simahakalo so kari msananyana ku si se khata Armagedhoni. Simahakalo so khata asi hi no bhula ngu sona si maneka ka Evhangeli ya Matewu, Marku ni Luka.—Lera Matewu 24:29-31; Marku 13:23-27; Luka 21:25-28.

Kuziviswa ka wulamuli. Votshe valala va Mfumo wa Txizimu va na sungeka ku wonisana ni simahakalo a si si no va tisela kukarateka. Jesu a ti khene: “Mi na wona Mwanana wa M’thu na a txi ta a di marefuni, a di ni mtamo wa hombe ni wudhumo.” (Marku 13:26) Sikombekiso siya so xamatisa sa mtamo i nava txikombiso txa Jesu a txi tisa didungula da wulamuli. Ka txienge tximwani txa wuprofeti mayelano ni masiku a magwito, Jesu a ningela titxhamuselo a ti ti nga engeteleka mayelano ni kuziviswa ka wulamuli ngu mbimo yoneyo. Hi mana didungula donedo ka txidinganiso txa Jesu txa tinvuta ni tiphongo. (Lera Matewu 25:31-33, 46.) Ava va seketelako Mfumo wa Txizimu ngu kuthembeka va na lamulwa kota “tinvuta” se va na ‘gula maso [awe] ve wona txitimwi’ ngu kuziva ti to ‘ku hafuhi kuhanyiswa kwawe.’ (Luka 21:28) Kambe valala va Mfumo wa Txizimu va na lamulwa kota “tiphongo” se “va na dila” ngu kuziva ti to va na yiswa “kutsayiswani ko mbi guma.”—Mat. 24:30; Mtu. 1:7.

w09 15/1 31 ¶1

Timhaka ta hombe ta dibhuku da Mtuletelo

2:7—Nji txani “paradhise ya Txizimu”? Aku mapswi aya ma kongomako ka Makristu aya i ku vasawuleki, paradhise kuwombwa wukhalo wa moya wa khe nzumani aha txi ku kona Txizimu txipune. Vasawuleki va na mana txhatxhazelo yo ya dya “mndonga wa wutomi.” Vona va na ningwa kwa mbi fa.—1 Vak. 15:53.

25 KA NOVEMBRO–1 KA DEZEMBRO

TITHOMBA TA MU KA DIPSWI DA TXIZIMU | MTULETELO 4-6

“Mithumo ya mune wa vagadi va mahanxi”

wp17.3 4 ¶3

Mba mani vagadi va mune va mahanxi?

I mani mgadhi wa dihanxi do basa? Xamulo ya txiwotiso txiya hi yi mana ka dibhuko da Mtuletelo. Ndima 19 yi womba ti to mgadhi wa dihanxi, “Dipswi da Txizimu.” (Mtuletelo 19:11-13) Txithopo txi txi ku Dipswi ku wombwa Jesu Kristu nguko ene a thumile kota mwombawombeli wa Txizimu. (Johani 1:1, 14) I singeto dwe ene a dhanwa ku “Mfumeli wa vafumeli, Mkoma wa vakoma” e tshumela e dhanwa ku ‘Bwo thembeka ni Wa ditshuri.’ (Mtuletelo 19:16) Eto ti kombisa ti to ta mfanela Jesu kuva Ndena ya Nyimpi. Aku Jesu i ku wo thembaka kha thumisi mtamo wakwe ngu nzila yo biha mwendo ya wukanganyisi. Kambe ku nga humelela siwotiso so kari.

wp17.3 4 ¶5

Mba mani vagadi va mune va mahanxi?

Ma khatile mbimo muni kututuma mahanxi? Wona ti to mgadhi wo khata wa dihanxi i ku Jesu, a khatile kututuma msana ko amukela m’bhoti. (Mtuletelo 6:2) I mbimo muni Jesu a nga va Mkoma nzumani? Ina a khatile kufuma neti a nga tshumelela nzumani? Ahim-him! Bhiblia yi womba ti to mbimo yo rinzela yi khatile. (Vahebheru 10:12) Jesu a ningile valondeteli vakwe txikombiso atxi txi ndi no va vhuna ti to ve ziva mbimo yi a ndi no khata kufuma ngu yona nzumani. Ene a wombile ti to sikarato si ndi na engeteleka ngutu ha mafuni, ku ndi nava ni ku pwateka ka sakudya, tiyimbi ni malwati. (Matewu 24:3, 7; Luka 21:10, 11) Simahakalo si kombisa ti to timbimo eto to karata ti khatile ngu 1914, neti yi nga khata Yimbi yo Khata ya Mafu. Bhiblia yi womba ti to “timbimo to karata.”—2 Timoti 3:1-5.

wp17.3 5 ¶2

Mba mani vagadi va mune va mahanxi?

Mgadhi wuwa wa dihanxi a kombisa yimbi. Kambe ene kha thavisi kudikha ka matiko o kari basi, kambe a thavisa kudikha hamafuni kotshe. Ngu 1914, ku khatile yimbi ya mafu otshe, i ve yimbi ya hombe yo khata ka matimu. Msananyana kuve ni yimbi ya wumbidi ya mafu otshe ayi yi nga karata ngutu. Vamwani va womba ti to ku khukhela ngu 1914 mtengo wa va va nga fa ngu mazunga ni tiyimbi wu pindile 100 wa timilioni! Ku si balwi ni mtalo wa vathu va va nga limala.

wp17.3 5 ¶4-5

Mba mani vagadi va mune va mahanxi?

“Konako ku to humelela dihanxi da ntima, mgadhi wa dona a ti ni txikalo manzani. Konako ni to engisa txo nga dipswi, di humako ngu ka mune wa sivangwa si hanyako, di txi kha dona: ‘Mpimo wumwewo wa fulaho wu xawa ngu male ya didhenari dimwedo, mipimo yiraru ya mahila niyona yi xawa ngu male ya didhenari dimwedo, se u nga onhe mafura ni vinya.’”—Mtuletelo 6:5, 6.

M’gadhi wuwa wa dihanxi a emela nzala. Siemo si di na karata ngutu a ha Bhiblia yi nga womba ti to mpimo wumwewo wa fulaho wu ndi na xawa ngu male ya didhenari dimwedo, ayi i nga ti muholo wa ditshiku dimwendo ka mbimo ya Jesu. (Matewu 20:2) Male yoneyo, yi txi dingana kuxava mipimo yiraru ya mahila i ku sakudya si i ku sa hahatshi si txi dinganiswa ni fulaho. Mpimo wonewo wa sakudya wu si dingani kueneta mwaya wa hombe. Dipswi dimwani di womba ti to vathu va ti fanete kuxayisa mafura ni vhinya. Eso i di silo sa lisima ka madyelo a manene a vathu va mbimo yoneyo.

wp17.3 5 ¶8-10

Mba mani vagadi va mune va mahanxi?

M’gadhi wa dihanxi da wumune a kombisa lifo ali li vangwako ngu malwati ni simwani. Msananyana ka 1914, mkhuxani wu wu dhanwaku ku i gripe espanhola wu date timiliyoni ta vathu. Ti nga maha 500 wa timiliyoni ta vathu va di tshapetwe. Ngu mbimo yoneyo 20 wa ti pheseti ta vathu va txi fa ha mafuni kotse.

Gripe espanhola i ve makhato basi. Va xolisisi va wombile ti to vathu vo pinda 300 wa timiliyoni va fite ngu txibhiri ka timbimo ti ti nga pinda. Ku si nga ni mhaka ni ku timhaka ta wudhaho ti yako ti txi engeteleka, ku ta hokela ni nyamsi malwati ya AIDS, khoso ni malaria si heta wutomi wa vathu nyamsi.

Ngu mhaka ya tiyimbi, nzala ni malwati, lifo la fuma ka vathu votshe. Mathitha aya ma si ngako ni ku tsetselela ma ya masoni ni ku heta vathu nyamsi.

Lavetela tithomba ta moya

re 76-77 ¶8

Kuphatima ka txiluvelo txa Jehovha!

Johani a txi ti ziva ti to ku sawutwe vaphaxeli ti to ve thuma ditendani. A ti a nga bhala ti nga maha ti di xamalisite: “Txikhalo txiya txa wukoma txi ti ranganyetilwe ngu simwani sikhalo sa wukoma sa magumi mambidi ni mune; txitimwi ka sona ku ti khalahatshile madhota a magumi mambidi ni mune, ma di ni siambalo so basa, ma di ni mibhoti ya nzalama ha msungo kwawe.” (Mtuletelo 4:4) Hahanze ka vaphaxeli, ku ni 24 wa madhota aya ma nga vekwa kota vakoma ma di ni mibhoti. Mba mani madhota onewo? Mba sawuleki va dibanza da Wukristu, ava se va nga wuswa ve ya zumba ka txikhalo txa nzumani atxi Jehovha a nga va thembisa. Hi ti zivisa kutxani toneto?

re 80 ¶19

Kuphatima ka txiluvelo txa Jehovha!

Sivangwa siya si txhamusela txani? Muwoniso wu wu nga txhamuselwa ngu mprofeti Ezekhiyele wu hi vhuna kumana xamulo. Ezekhiyele a woni Jehovha a di ka mmovha wa nzumani, a wu wu nga txi woneletwa ngu sivangwa si si hanyako si nga ti ni mazumbelo o fana ni ya ma nga wombwa ngu Johani. (Ezekhiyele 1:5-11, 22-28) Ngu msana, Ezekhiyele a tshumete e wona mmovha wonewo wa nzumani wu txi woneletwa ngu sivangwa si si hanyako. Ka dikhambi diya ene a si dhani ti to makerubhima. (Ezekhiyele 10:9-15) Sivangwa si si hanyako sa mune asi Johani a nga si wona, si nga va si txi emela makerubhima a mangi a Txizimu, i ku sivangwa so guleka ka sengeletano Yakwe ya moya. Ti si na ku mu xamalisa Johani kuwona makerubhima ma di emile hafuhi nguto ni Jehovha, nguko ka lulamiselo ya kale ya ditendani, ku ti ni makerubhima mambidi a nzalama ma nga ti txitimwi ka txifenengeto txa dibhokiso da txitumelelano, adi di nga ti emela txiluvelo txa Jehovha. Ka makerubhima onewo, dipswi da Jehovha di txi ningela txirumo ka sengeletano.—Eksodha 25:22; Masalmo 80:1.

cf 36 ¶5-6

“Wona, ngonyamo ya lihunzu la Judha”

Ngu txitalo ngonyamo yi fananiswa ni txibindi. Ina u khala ku wonana ni ngonyamo khohe ngu khohe? Ti ha kubasani ti to mi ti hambanisilwe ngu libhiyo ka jaradhi yo kari. Hambiketo eto ta tisa kuthava. Ngako u txi wona kwati txihari txiya txa hombe txi ku ni mtamo txi txi ku wona, u txi wonisisa masoni ka txona, ta karata ku txi pimisa txi txi tutuma ngu ku thava txo maha. Bhiblia yi womba ti to “ngonyamo yi ni mtamo hagari ka sihari, kha yi tshumetelwi msana ngu m’thu.” (Mavingu 30:30) Txibindi txa Jesu txi fananiswa ni txa ngonyamo.

A hi bhuleni ngu nzila yi Jesu a nga kombisa ngu yona txibindi txo fana ni txa ngonyamo ka siemo si sa siraru: Atxi emela ditshuri, a txi lwelwa wululami ni loko a txi manana ni siduko. Hi na tshumela hi wona ti to hotshethu hi nga tekelela Jesu ngu kukombisa txibindi, ku ngava txo velekwa natxo mwendo txo txi sakulela.