U nga gonda txani ka Wutxenje wumwani?

Ngu wuhi wutxenje wumwani awu u wu dhundako, ni ku ngu kutxani u txi wu dhunda? Ina u pimisa ti to wutxenje wumwani wu kombisa siemo sa ditshiku ni ditshiku? Aku wutxenje wumwani wu ku ni timhaka ni matxhayelo o hambana-hambana wona wa gwesa vathu votshe. Hambiketo wutxenje wumwani ni mavhidhiyo a wutxenje kha ma mahelwa kota o hungala ngu ona dwe.

Wutxenje wumwani wu ni timhaka ati ti hi vhunako ka mahanyelo athu a Wukristu ni mthumo wo txhumayela. Wumwani wutxenje wu hi gondisa kuziva kuamukela vapfumba, ku va ni wumwewo, txingana, txibindi, lirando ni likholo. Wumwani wu hi vhuna ku tshumelela ka Jehovha, kudivalela vamwani, kukombisa kuthembeka ditshiku ni ditshiku ni ku ti vekela makungo a moya. Ku ni wutxenje wumwani a wu wu hi vhunako kuthumisa kwati matelefone athu. Ngu txihi tximwani txivhuno u nga txi mana ka wutxenje wumwani?

XALELA VHIDHIYO YA WUTXENJE WUMWANI AYI YI KU: KONA KHE PARADHISENI, U GWITA U XAMULA SIWOTISO SI SILONDISELAKO:

• Ngu yahi makatekwa a mbimo yi yi tako aya mpatwa wu nga kombiswa wu alakanyisisako ngu ona?—Gen 12:3

• Hi nga li tsanisisa kutxani likholo lathu ka ti to Jehovha a na hetisisa sithembiso sakwe?

• Ngu tihi to tsakisa ti no maheka i si nga kale?

• Themba ya Mfumo wa Txizimu yi hi vhunisa kutxani ku timisela siduko sa ngweno?—Var 8:25