Vaveleki gondisani vanana vanu ti to ve va ni wuzivi

Hi hanya ka mafu ya vathu va tekako to biha ti woneka nga ndinene, kasi ta tinene nga ndo biha. (Isa 5:20) Ngu toneto va maha timhaka ti ti si tsakisiko Jehovha, to fana ni kutiñola ngu nzila yo biha ni vathu va limbewu limwelo. Vaphya va nga kuzetelwa ngu vagondi kulowe mwendo ngu vathu vamwani ti to ve londisela mahanyelo awe o biha. U nga va lulamiselisa kutxani vanana vako ti to ve wonisana ni siemo siya?

Gondisa vanana vako milayo ya Jehovha. (Lev 18:3) Ngu kuya ngu tanga yawe, vagondisi ati Bhiblia yi ti wombako ngu timhaka ta mataho. (Dhet 6:7) Tiwotise tiya: ‘Ina ni khala kugondisa vanana vangu mayelano ni ku tiñola ngu nzila ya yinene, maambalelo a manene ni ti va nga ti mahako ngako vamwani va txi lava kuva ñola makhalo awalo? Ina vanana vangu va tiziva ti va fanelako kumaha ngako vamwani va txi lava kuva xalelisa vathu va va nga mbi ambala txilo mwendo va txi va kuzetela kumaha ti Jehovha ati vengelako?’ Phela wuzivi wu nga va vhuna ti to ve vayilela sikarato so tala. (Mav 27:12; Ekl 7:12) Ngako u txi gondisa vanana vako, u kombisa ti to wa ninga lisima thomba ayi Jehovha a nga kuninga.—Mas 127:3.

XALELA VHIDHIYO YI YI KU: AKA NYUMBA YO TSANA—VHIKELA VANANA VAKO “KA TO BIHA,” U GWITA U XAMULA SIWOTISO SIYA:

• 

  Ngu kutxani vamwani va si gondisi vanana vawe mayelano ni ta mataho?

• 

  Ngu kutxani vaveleki va di fanete kugondisa vanana vawe “ngu sileleto ni tigondo ta MKOMA”?—Vaef 6:4

• 

  Ngu sihi sithumiswa asi sengeletano ya Jehovha yi nga si humisa kasi kuvhuna vaveleki ti to ve gondisa vanana vawe mayelano ni ta mataho?—w19.05 12, dibhokiso

• Ngu kutxani i di ta lisima ku mbimo yotshe u bhula ni vanana vako na ku se humelela sikarato sa hombe?