Tilulamisele kutxhumayela votshe

Nga ha Jehovha a nga lulamisela ngu kona Vaisrayeli, nyamsi wa lulamisela vathu vakwe ti to ve maha kuranda kwakwe. Ha mafuni kotshe, tihofi ta madhavi, sigava, mabanza ni mitxawa ya thembwe sa thumisana kasi ku mahungu a manene me txhumayelwa. Ngu toneto ha txhumayela votshe kupata ni va va wombawombako lidimi limwani.—Mtu 14:6, 7.

Ina u ta nga pimisa ngu kugonda lidimi limwani ti to u vhuna vamwani ti to ve gonda ditshuri? Hambi i di ti to khu khali ku ti ha mbimo, u nga thumisa JW Language app ti to u ziva ku khata mabhulo a Bhiblia. Ngako u txi maha toneto, nawe u nga pfa litsako lo fana ni li Makristu a kale ma nga li pfa mbimo yi vathu va ditiko dimwani va nga xamala ngu kupfa “sixamaliso sa Txizimu” ngu lidimi lawe.—Mith 2:7-11.

XALELA VHIDHIYO YI YI KU: VANA MNGANA WA JEHOVHA— TXHUMAYELA NGU LIDIMI LIMWANI, U GWITA U XAMULA SIWOTISO SIYA:

• 

  Ngu yihi mbimo yi u nga thumisako ngu yona aplikativo ya JW Language?

• 

  Ngu tihi ti u nga ti manako ka aplikativo yiya?

• 

  Ngu tihi tidimi timwani a ti ti wombawombwako ka wukhalo wanu?

• Se u nga maha txani u txi mana m’thu wu a tsakelako kambe a txi wombawomba lidimi limwani?—od-T 100-101 ¶39-41