Ina u ti lulamisete kumaneka ka Txialakanyiso?

Pasika yo gwita ya Jesu yi ndi na va yo sawuleka. Ene a txi tiziva to a ti hafuhi ni kudawa. Ngu toneto ene a mahile malulamiselo o dya pasika kumweko ni vapostoli vakwe. Ene a simekile Txilalelo txa Mkoma. Ene a kombete Pedro ni Johani ti to ve ya lulamisela amu yi ndi no mahelwa kona Pasika. (Luk 22:7-13, wona mfota wa kapa.) Eto ti hi khumbulisa ti to ti lava hi ti lulamisela ka Txialakanyiso txi txi no mahwa ngu 27 ka Março. Dibanza di na sawula wukhalo, awu a no veka mwombawombo, ni va va no lulamisela sifanekiselo ni timwani. Se u nga maha txani ti to u ti lulamisela kumaneka ka Txialakanyiso?

Lulamisela mbilu yako. Lera ni kualakanyisisa ngu tindimana ti ti nga ningetwa ka kulera ka Bhiblia ka divhiki da Txialakanyiso. U nga mana txiemiso ka txibhukwana txa Kuxolisisa ka Mibhalo ya ditshiku ni ditshiku. U nga tshumela u mana txiemiso txonetxo ka Apêndice B12-A, B12-B ya Tradução do Novo Mundo da Bíblia Sagrada. (Wona kambe ka Txibhukwana txa Mitshangano txa Abril wa 2020.) Ti to u mana madungula mamwani mayelano ni lisima la mtirulo kasi ku u ma thumisa ka wukhozeli wako wa mwaya, wona Índice das Publicações da Torre de Vigia ou Guia de Pesquisa para Testemunhas de Jeová.

Ramba vamwani. Duketa ku ramba vathu va vangi. Pimisa ngu wu u lavako ku mramba ka txialakanyiso. Ngu txikombiso a va u nga nga va txhumayela , a va u nga nga gonda navo Bhiblia, a va u va zivako ni maxaka. Madhota ma fanete me khumbula ku ramba a va va nga hola. Se ngako u txi ramba m’thu wu a si zumbiko ka teretoriyo yako? Bela ka ka site ya jw.org u dheketa a ha ku ku ZIVA TATHU, se u bela ha ku “Txialakanyiso.” U na mana mbimo ni wukhalo awu txi no mahelwa ka wona amu a zumbako kona m’thu eneyo.

Nji txani tximwani atxi hi nga txi mahako ti to hi ti lulamisela kumaneka ka Txialakanyiso?