Sotshe siduko si ni magwito

Siduko si nga hi godholisa ngutu-ngutu si txi teka mbimo yo lapha. Dhavhidha a txi ti ziva to siduko si a nga txi mahelwa ngu mkoma Sawule si ndi na guma ni ti to andi na va mkoma nga ha Jehovha a nga ti mthembisile ngu kona. (1 Sam 16:13) Likholo la Dhavhidha li mvhuni to e timisela e emela Jehovha.

Nga ku hi di ka txiduko hi nga thumisa wutxhari, wuzivi mwendo wusikoti wathu wo pimisa ti to hi wonisana kwati ni siduko. (1 Sam 21:12-14; Mav 1:4) Hambiketo sikarato simwani si nga simama hambi hi di mahile totshe ti hi nga ti kotako ti to hi kongomiswa ngu matshina a milayo a Bhiblia. Ka mhaka yiya hi fanete kutimisela hi emela Jehovha. I si nga kale ene a na heta sotshe sikarato sathu ni ku “bahulela yotshe mirongo” tikhoheni kwathu. (Mtu 21:4) Ti si nga ni mhaka ni ti to ku txhatxhiswa ka sikarato sathu kuta ngu ka Jehovha mwendo ngu sivangelo simwani, kambe ha tsaniseka ti to: Sotshe siduko si ni magwito. Eto ta hi thavelela.

XALELA VHIDHIYO YI YI KU VATHU VA VA KU NI WUMWEWO KA DITIKO DI DI KU NI TXISAWU-SAWU, U GWITA U XAMULA SIWOTISO SIYA:

• Ngu sihi sikarato asi makristu mamwani a wulambwe ka Estados Unidos ma nga manana naso?

• Vona va kombisile lirando ni ku timisela ngu nzila yihi?

• Vona va simamisile kutxani ve ti vekisela ka “ati i ku ta tinene ngutu”?—Vaf 1:10