Kuhanya wutomi wanu wotshe mi di tekanile

Mpatwa wa Makristu awu wu ku ni wukati wa wunene wu dhumisa Jehovha ni ku wu ni litsako. (Mar 10:9) Ti to Makristu me va ni wukati wo tsakisa na wu di tsani ti lava ve thumisa matshina a milayo ya Bhiblia mbimo yi va sawulako m’thu wo tekana nayo.

Xota m’thu wo tekana nayo na se u di pindile ka mbimo yi kunavela ka timhaka ta mataho i ku ka hombe ha koza ku khulumetela sisungo sako. (1 Vak 7:36) Ka mbimo yi u ku nga di wekha londola mbimo yoneyo ti to u kulisa wuxaka wako ni Jehovha ni ku kulisa tifanelo ta wukristu. U txi maha toneto u na va u di lungekete ku va ni mwaya wu wu nga tsaka.

U si se txhadha ni m’thu kulaveka mbimo yo kari ti to u ziva “wuthu wo sisaleka wa mbilu.” (1 Ped 3:4) Ngako u di ni ku kanakana ka to kari, bhulisana ni wu u namorarako nayo ngu sikarato soneso. Kufana ni wungana ni m’thu wo kari ka mtxhadho u fanete kuveka mapimo ka si si lawako ngu mwani i si nga si si lawako ngu ngawe dwe. (Vaf 2:3, 4) Ngako u txi thumisa matshina a milayo ya Bhiblia u si se txhadha, u nava u txi veka makhato o tsana a mwaya a wu wu nga tsaka.

XALELA VHIDHIYO YI YI KU KU TI LULAMISELA KUBELELA WUKATI—TXIENGE 3: “BALELA MTENGO,” U GWITA U XAMULA SIWOTISO SIYA:

• Wu ti tsimbila njani wungana wa mwanathu wule wa txisikati ni Mangezi?

• Nji txani txi a nga txi tumbula mbimo yi va nga txi ya masoni ni mabhulo?

• Vaveleki vakwe va mvhunisile kutxani ni ku ngu txihi txisungo txa wutxhari a nga txi maha?