5-11 KA AGOSTO

MASALMO 70-72

Ndando 59 ni mkombelo | Mapswi o khata (1 men.)

TITHOMBA TA MU KA DIPSWI DA TXIZIMU

1. “Xawutela liveleko li li tako” mayelano ni mtamo wa Txizimu

(10 men.)

Dhavhidha a vhiketwe ngu Jehovha mbimo yi i nga ti nga di jovhem (Mas 71:5; w99 1/9 18 ¶17)

Dhavhidha a ku pfite kuseketelwa ngu Jehovha mbimo yi a nga ti kumbile (Mas 71:9; g04 10/8 23 ¶3)

Dhavhidha a kuzetile ava i nga ti nga di majovhem, ngu kuva xawutela siperiyensia sakwe (Mas 71:17, 18; w14 15/1 23 ¶4-5)

Mwaya wu hi nga bhula ngu wona ka mitshangano ayi yi nga pinda, ka txienge atxi txi ku “Matshina aya wukhozeli wa mwaya wu nga seketelako ka ona.” Wona wu amukela mpatwa wu wu nga kula ngu tanga kasi ku ve maha wukhozeli wa mwaya ni ku va engisela va di tsakile mbimo yi va kombwako mifota ni kugelwa maexperiyensia.

Tiwotise tiya, ‘Ngu wuhi mwanathu wo kula ngu tanga wa dibanzani kwangu awu ni nga txi tsakela kubhulisana nayo ka wukhozeli wa mwaya?’

2. Tithomba ta moya

(10 men.)

Mas 72:8—Txithembiso txa Jehovha ka Abrahamu atxi txi ku ka Genesisi 15:18 txi hetisekile ngu nzila muni ka mbimo ya kufuma ka Mkoma Solomoni? (it-1 768)

Xamulo
Ngu tihi ti u nga ti gonda ka kulera ka Bhiblia ka divhiki diya ati u tsakelako ku hi bhulela?

Xamulo

3. Kulera ka Bhiblia

(4 men.) Mas 71:1-24 (th gondo 5)

TI TOLOVETE KA MTHUMO WO TXHUMAYELA

4. Kukhata Mabhulo

(3 men.) NGU MTI NI MTI. Ngako m’thu atxi lava ti to mi phikizana, vhala dibhulo ngu nzila ya yinene. (lmd gondo 4 pontu 5)

5. Simama ni mabhulo

(4 men.) KUTXHUMAYELA NGU TXITSHUKETI. Simama ni dibhulo di mi nga di khata ni dixaka dako adi di si tumeliko kugonda Bhiblia. (lmd gondo 8 pontu 4)

6. Txhamusela ati u ti kholwako

(5 men.) Dhixkursu. ijwfq 49—Msungo wa mhaka: Ngu kutxani Tifakazi ta Jehovha ti di txitxile timwani tigondo ati va nga txi kholwa ka tona? (th gondo 17)

MAHANYELO A WUKRISTU

Ndando 76

7. Mawonelo a wukhozeli wa mwaya

(15 men.) Mabhulo.

Mwaya wu txi embelela tindando ta Mfumo.

Mmweyo wa vanana va txisikati atxi xamula mame wakwe va di ka wukhozeli wa mwaya.

Mbimo ya wukhozeli wa mwaya nja lisima ngutu ka vanana ti to ve gonda ‘ngu sileleto ni tigondo ta Jehovha.’ (Vaef 6:4) Kugonda hi nga msakano, kambe ti nga va txiperiyensiya txo tsakisa, ngutu-ngutu mbimo yi vanana va yako ve tsakela ditshuri da mu ka Bhiblia. (Joh 6:27; 1Ped 2:2) Wona dikwadru di di ku “Mawonelo a wukhozeli wa mwaya” di nga vhunako vaveleki ti to ve maha mbimo ya wukhozeli wa mwaya yi va yo gondisa ni yo tsakisa, ngu magwito bhulani ngu siwotiso siya:

Ka mawonelo yawa, ngu yahi aya u nga txi tsakela ku ma duketa?

Xamulo
Tiho timwani u nga ti mana ti ti nga kuvhunako?

Xamulo

MAWONELO A WUKHOZELI WA MWAYA

BHIBLIA:

Engiselani gravhasawu ya audhiyo ya kulera ka Bhiblia ka divhiki mwendo mi txitxana ko lera ngu dipswi do guleka. Txiro tximwani ni tximwani txa mwaya txi nga avelwa kulera mapswi a vathu ava kuwomba-wombwako ngu vona amu ka Bhiblia
Lulamisela siwotiso ngu kuya ngu kulera ka Bhiblia ka divhiki donedo. Kombela siro sa mwaya ti to si sawula txiwotiso ni ku maha wuxolisisi wa txona. Ve gwita ve txhamusela ati va nga ti gonda
Maha txiwotiso mwendo u womba txiemo txo kari, u gwita u maha wuxolisisi wa matshina a milayo a Bhiblia ka dibhuku adi di ku Matsalwa Ya Mahanyelo Ya Vakreste aya ma thumiswako
Mahani mkombiso wa didungula do kari da mu Bhiblia
Lulamisela dikartawu di ku ni mibhalo ya mu ka Bhiblia yo hambana ngu divhiki, yo fana ni yi yi ku ka Apendisi A wa dibroxura adi di ku Dhunda vathu—Va gondise, u gwita u duketa kuvekisa vhersikulo yoneyo hamsungo. Wuseta makartawu a mavhiki a ya ma nga pinda
Gondani txienge txa dibhuku adi di ku Hanya wutomi wo tsakisa kala kupinduka!
Avela siro sa mwaya ti to si txhamusela ati si nga ti gonda ka tigondo ati ti ku ka mxaxamelo awu wu ku “Swivutiso Leswi Hlamuriwaka Hi Bibele” mwendo ka “Tinhlamuselo Ta Tivhese Ta Bibele” ti manekako aha ku ku “TIDYONDZO TA BIBELE” ka jw.org

MITSHANGANO:

Kulamisela txienge txa mtshangano wa dibanza
Lulamisela u tshumela u ti toloveta ati u no ya xamulisa tona. U xayisa mbimo ayi yi nga vekwa
Lulamisela tindando ati ti ku ka txiemiso
Bhulani ni ku ti lulamisela kasi kutsanisa vamwani ka mtshangano awu wu londiselako wu si se khata, ni mbimo yi wu nga gwita
Lulamisela kwati txienge txako txa txigondyiani ka mtshangano wa hagari ka divhiki masoni ka mwaya

M’THUMO WO TXHUMAYELA:

Ti lulamisele kutxhumayela ngu mti ni mti
Ti lulamisele kumaha maendo o wuyela
Ti alakanye u txi txhumayela ngu txitshuketi, u gwita u lulamisela kukhata mabhulo ngu nzila ya txingana
Bhulani ngu ti u nga ti mahako kasi kuengetela m’thumo wo txhumayela ngu mbimo ya Txialakanyiso mwendo ngu mbimo yi u ku ni maferiya m’thumoni mwendo txikolwani.

SILAVEKO SA MWAYA:

Mahani txikombiso txo wonisana ni txiemo txi nga humelela mwendo txi kha thukako txi humelela txo fana ni kwa mbi pateka ka tipolitika, bullying, kunamorara mwendo mafexta a magwito ka dilembe
Mahani txikombiso txo vaveleki ni vanana ve txitxana mithumo. Vanana va txi maha wuxolisisi ve gwita ve ta alakanyisisa ni vaveleki vawe

MAWONELO MAMWANI:

Xalelani ni kubhula ngu JW Broadcasting^®
Lerani gondo mwendo kuxalela vhidhiyo ka jw.org mi gwita mi bhula ngu yona
Lavani to kari ka sienge asi si ku “Vantshwa” mwendo “Vana” si manekako aha ku ku “TIDYONDZO TA BIBELE” ka jw.org
Wusetani manotasawu a kongresu mwendo asembleya
Wonisisani mwendo kumaha wuxolisisi ngu to kari ta mtumbuluko mi gwita mi bhula ngu ti mi ti gondako mayelano ni Jehovha
Makhambi mamwani mi nga ramba m’thu kasi ku mi ta va nayo, mi gwita mu mu entrevhistara
Ti vekeleni makungu a moya mi tshumela mi bhula ngu ti mi nga ti mahako kasi ku ma hokelela
Dezenyarani kumweko, ku ngava txikombiso txo kari, mapa mwendo gráfico

Txhaya VHIDHIYO ayi yi ku Simama u tshukwatisa wukhozeli wako wa mwaya. U gwita u wotisa tiya:

Wamwamna a nga mahisa kutxani ti to wukhozeli wa mwaya i va wo tsakisa ka m’sikati wakwe ngako va si nga ni vanana ha mtini

Xamulo

8. Gondo ya Bhiblia ya dibanza

(30 men.) w20.02 gondo 4 ¶1-7