Bhulela vamwani ati u ti gondako

Gondo ya m’thu apune yi nga hi vhuna, kambe hi nga tshumela hi wuyelwa ngaku hi txi bhulela vamwani ati hi ti gondako. Dibhuku da Mavingu 11:25 di womba tiya: “Wule a theletelako mati, nene a na theletelwa.”

Ti nga hehuka kupfisisa kwati ni ku ti vekisa hamsungo ati hi ti gondako ngako hi txi bhulela vamwani. I singa eto dwe, kubhulela vamwani tithomba ta lisima ati hi ti manako ka Dipswi da Txizimu, ti nga hi tisela litsako nguku ha ti ziva ti to tithomba toneto ti na va vhuna ni vona.—Mith. 20:35.

Duketa kumaha tiya: Ka divhiki adi di londetako, zama kulava mkhanjo wo u bhulela vamwani ati u nga tigonda. U nga bhulela dixaka dako, mwanathu dibanzani, kolega wa mthumoni, kolega wa txikolwani, vhizinyo mwendo m’thu wu u mmanako u di kutxhumayelani. Zama kubhula navo ngu kuthumisa mapswi ako, u womba-womba ngu nzila yo hehuka.

Khumbula tiya: Txikongomelo txo bhulela vamwani ngu ti u ti gondako, ngu lava ku va tsanisa i si nga kulava kutigela to wa ziva totshe.—1 Vak. 8:1.