Thumisa ‘ningo yako yo ta ngu ka Txizimu’

Hotshethu ha tidhunda kutsaniswa ngaku hi di ni vanathu. Bhiblia yi womba ti to wusikoti wo tsanisa likholo la vamwani i “ningo yo ta ngu ka Txizimu.” (Var. 1:11, 12) Kambe kutsanisa vanathu hi nga kuheta mbimo hi di navo dwe. Se hi nga maha txani kasi kutsaniseka ti to ha yi thumisa kwati ningo yoneyo?

Tsanisa vamwani ngu mapswi yako. Ngu txikombiso, mbimo yi hi xamulako mitshanganoni i nga va tatinene ku hi si wombawombi ngutu ngu mawonelo athu. Hahanze keto, ndatinene ku mbimo yi hi xamulako hi womba-womba ngu ti hi tigondako mayelano ni Jehovha, Bhiblia ni ngu malanda mamwani a Jehovha o thembeka. Se mbimo yi hi bhulako ni vanathu, hi nga womba-womba ngu timhaka ati ti tsanisako likholo lathu ni lawe.

Tsanisa vamwani ngu ti u ti mahako. Vanathu vamwani va simama va di ka mthumo wa mbimo yotshe hambiku va wonisanako ni sikarato. Se vamwani njikombiso txa txinene nguku va pateka ka yotshe mitshangano ya dibanza hambiku va lwalako mwendo kuva va di karate ngu mhaka mthumo wawe. Ngaku u di ka txiemo txo fana ni txonetxo, txikombiso txako txa kuzeta vamwani.

U ti wonisa kutxani? Ina mapswi yako ni ti u ti mahako ta tsanisa vamwani? Ina nawe wa tsaniswa ngu ti vamwani va tiwombako mwendo ku timaha?