Tsaniseka ti to Jehovha a na kuhulukisa

Lera Mitengo 13:25–14:4 Kasi kuwona nzila yi Vaisrayeli va nga tandeka ngu yona kuthemba Jehovha.

Wonisisa didungula. Ngu kutxani Vaisrayeli va nga ti fanete kuthemba ti to Jehovha a ndi na va hulukisa mbimo yi va nga huma Egipta? (Mas. 78:12-16, 43-53) Nji txani txi nga va maha ve leka kuthemba Jehovha? (Dhewut. 1:26-28) Joxuwa ni Khalebhe va ti kombisile ngu nzila muni to va themba Jehovha?—Mit. 14:6-9.

Xola timwani. Ngu tihi ti Vaisrayeli va nga ti fanete ku timaha kasiku ve engetela themba yawe ngu Jehovha? (Mas. 9:10; 22:4; 78:11) Ngu kuhi kuyelana ku kuho ka kuthemba Jehovha ni ku mxonipha?—Mit. 14:11.

Pimisa ngu nzila yi u nga ti thumisako ngu yona ati u ti gondako. Tiwotise tiya:

• ‘Ngu sihi siemo si nga dukako themba yango ngu Jehovha?’

• ‘Ni nga tsanisisa kutxani themba yango ngu Jehovha konku ni ka mbimo yi yi tako?’

• ‘Ngu tihi ti ni fanelako kutsaniseka ka tona mbimo yi xanisa ya hombe yi no hoka?’—Luka 21:25-28.