Ati ti ku mndani

Wuzivi mbwa lisima ngako hi txi wu thumisa. Kambe ti lava hi tiveka hahatshi ti to hi thumisa ati hi ti gondako. Msungo wuwa wu na hi vhuna ku simama hi tiveka hahatshi ngu ku hi komba ti to hi nga si etetelisa kutxani sikombiso sa kale sa va va nga txhumayela vathu va tixaka totshe, ve khongelela vamwani, ni kurinzela Jehovha ngu kutimisela.

Hi hanya ka timbimo to karata se ta hehuka ku tipfa hi di ni dikhodho, hi si na themba. Jehovha ni Jesu va na hi vhuna, kambe nathu hi ni wutixamuleli wo thavelelana. Ka msungo wuwa hi na gonda ngu nzila yo akana ngu lirando.

Jehovha i “Txizimu txa makatekwa,” ni ku a lava ti to malanda akwe me tsaka. Aku hi hanyako ka mafu awa a Sathani, hi nga li manisa kutxani litsako hambi hi di ni sikarato? Ka Gondo yakwe ya Mmangoni, Jesu a wombile nzila yo mana litsako konkuwa ni ngu ha ku si gumiko.

Nyamsi, vathu kha va na mhaka ni vamwani. Kambe, Makristu a ditshuri ma hambanile navo nguko vona va va dhunda vathu. Va kombisa lirando lonelo ngu kualakanyela vamwani. Ka misungo yiyi ya yimbidi, hi na wona nzila yi Jehovha ahi alakanyelako ngu yona, ni ku athu hi nga mu etetelelisa kutxani.