Txiwuletiso txa txienge 1

Bhiblia yi khata ngu kuwombawomba ngu sotshe silo so tshura asi Jehovha a nga si vanga nzumani ni hamafuni. Ngaku u di mveleki, vhuna mwanana wako kuwona ati ti xamalisako tona kuva Jehovha a di vangile silo sasingi so hambanelana. Mtxhamuseli ti to kuhambana ni sihari, Txizimu txi hi mahile hi txi tikota kuwombawomba, kupimisa, kumaha so maha, kuembelela ni kumaha mkombelo. Komba mwanana wako ti to asi Jehovha a nga si maha si nga hi gondisa to tala mayelano ni mtamo ni wutxhari wakwe. Ta lisima ngutu ngu ti to, asi Jehovha a nga si maha si hi gondisa ti to ene a dhunda mmwani ni mmwani wathu.