GONDO 14

Junyatisa timhaka ta hombe

Vahebheru 8:1

ATI HI NO BHULA NGU TONA: Vhuna vaengiseli vako ve longoloka ni nawe ka m’womba-wombo wako, veka ha kubasani ti to mhaka yimwani ni yimwani ya hombe yi yelanisa kutxani ni txikongomelo ni msungo wa mhaka.

U NGA MAHISA KUTXANI:

Va na ni txikongomelo. Ziva txikongomelo txa m’wombo-womba wako. Ina njo zivisa to maha, njo kholwisa, mwendo kukuzeta vaengiseli, se gwita u txhamusela ngu nzila ya kona. Tsaniseka ti to totshe timhaka ta hombe ti na kuvhuna kuhokelela txikongomelo txako.

Ti wotise tiya: ‘Ngu sihi siwotiso asi vaengiseli vangu va nga si mahako ka mhaka yiya? Vaengiseli vako va nga si mahisa kutxani siwotiso soneso ngu kulongoloka ka sona?’ Veka timhaka ta hombe ngu kuya ngu kulongoloka ka tona ti to vaengiseli vako ve longoloka ni nawe, ve pfisisa, ni kutumela ati u va gondisako.
Junyatisa msungo wa mhaka wa m’womba-wombo. Wuyeletela msungo wa mhaka ngu kuwomba mapswi aya ma nga ñola mhaka.
Veka timhaka ta hombe ngu nzila yo hehuka. Sawula timhaka ta hombe ati ti yelanako ni msungo wa mhaka ati u no ti kota ku ti gondisa kwati u si dyi mbimo. U nga tatele timhaka ta hombe, womba-womba ti txi pfala, emanyana na u si se pinda u ya ka yimwani.

U txi khata m’womba-wombo wako, womba timhaka ta hombe kasi ku tsimbitisana ni vaengiseli vako, mwendo u nga ti womba ngu magwito ti to vaengiseli vako ve ti khumbula.