Wuseta tipontu ta lisima

Ina ti ta nga kukaratela kukhumbula ti u nga gwita ngu ku ti gonda? Hotshethu ti ta nga hi mahekela. Nji txani txi nga hi vhunako? He woneni tipontu ta lisima.

Mbimo yi u gondako ti he mbimo yo emanyana kasiku u bhala tipontu ti i ku ta lisima. Wona nzila yi mpostoli Paulo a nga vhuna ngu yona ava va nga txi lera dipasi dakwe ku ve maha toneto, mbimo yi a nga bhala a txi khene: ‘Se, msungo wa mhaka wu hi wu wombako ngu wuwa.’ (Vaheb. 8:1) Ngu mapswi awa a vhuni vaengiseli vakwe ti to ve londisela mapimiselo yakwe ni kuwona nzila yi pontu yimwani ni yimwani yi yelanako ngu yona ni msungo mhaka.

U nga ti vekela mbimo yo kari, hambi ku txo va 10 wa timeneti mbimo yi u gwitako kugonda, kasi kualakanyisisa ngu tipontu ta lisima ka ti u nga tigonda. Ngako u si sikoti ku ti khumbula, xolisisa sisungwana mhaka mwendo mapswi ya ma nga guletwa, ngu m’tolovelo mapswi o khata ka di paragrafu kasiku u kuluveta kualakanya. Ngako u di gondile mhaka ya yiphya duketa ku yi txhamusela ngu mapswi ako upune. Mbimo yi u wusetako tipontu ta lisima ti na mbi vhuna kualakanya kwako dwe kambe u na wona ngu nzila yo junyateka kuyelana ka mhaka yi u nga yi gonda ni wutomi wako upune.