Simama u rinzela ngu kutimisela

Kupinda mbimo muni u txi rinzela Mfumo wa Txizimu? Ina wa rinzela ngu kutimisela ti singa ni mhaka ni sikarato? (Var 8:25) Vanathu vamwani va wonisana ni kuvengelwa, kuxaniswa, kubetwa jele hambi ku thembiswa kudawa. Vamwani va wonisana ni sikararo sa singi so fana ni malwati o mbi na mrende ni kukumba.

Njitxani txi no hi vhuna ti to hi rinzela ti singa ni mhaka ni sikarato si hi mananako naso? Hi fanete kuwunja likholo lathu ngu kugonda Bhiblia ni ku alakanyisisa ngu ti hi ti gondako. Hi fanete kuveka maso ka themba yathu. (2 Vak 4:16-18; Vaheb 12:2) Hi fanete kukhongela ka Jehovha hi m’kombela moya wakwe wo sawuleka. (Luk 11:10, 13; Vaheb 5:7) Tate wathu wa lirando a nga hi vhuna “kutimisela ta tinene ni kuhonisela ngu kutsaka.”—Vakl 1:11.

XALELA VHIDHIIYO YI YI KU: “HI FANETE KUTUTUMA NGU KUTIMISELA”—TSANISEKA TI TO U NA HUMELELA, U GWITA U XAMULA SIWOTISO SIYA:

• 

  Ngu tihi ‘timbimo ni timhaka ti ti nga mbi rinzelwa’ ati ti nga tshukaku ti humelela ka wutomi? (Ekl 9: 11, Tradução do Novo Mundo)

• 

  Mkombelo wu nga hi vhunisa kutxani mbimo yi hi mananako ni sikarato?

• 

  Ngako ti si koteki kumaha ati hi nga ti maha kale, ngu kutxani hi di fanete kuveka mapimo athu ka ti hi tikotako kumaha konku?

• 

  Njitxani txi nga kuvhunako ti to u tsaniseka ti to u na humelela?