Ditima do sawuleka do gela vathu ngu Mfumo wa Txizimu di di no vaho ngu Novembro

Jesu a txhumayete “evhangeli ya Mfumo wa Txizimu.” (Luk 4:43) A tshumete e gondisa vathu ti to ve khongelela Mfumo. (Mat 6:9, 10) Kukhukhela ngu Novembro hi na maha mizamo yo zivisa Mfumo wa Txizimu. (Mat 24:14) Ti mahele txiemiso to u maneka ka ditima diya. Votshe va va thumako kota vanyaphandule vo vhuneta ka mtxima wuwa va nga sawula kuningela 30 mwendo 50 wa mawora.

Zama ngu ha u nga kotako ngu kona ti to u gondela vathu vo tala m’bhalo wu wu wombako-wombako ngu Mfumo wa Txizimu ka wukhalo wanu. Mbimo yi u sawulako m’bhalo alakanya ngu wukhongeli wu vathu va wukhalo wanu va kholwako ka wona. Ngako m’thu a txi kombisa kutsakela ka dikhambi do khata m’siyele direvhista da Muwoneleli wa vathu votshe da No. 2 2020. Kuluveta umaha diendo do wuyela ni ku khata gondo ya Bhiblia ngu kuthumisa dimwedo da mabhuku ya mu ka Farameti yathu yo Gondisa. Phela ku to sala mbimo ya yidotho ti to hi Mfumo wa Txizimu wu lovisa yotshe mifumo yi yi lwisanako nawo. (Dhan 2:44; 1 Vak 15:24, 25) He londoleni ngu ha hi nga kotako ngu kona lungelo yiya ti to hi kombisa kuthembeka ka Jehovha ni Mfumo wakwe!