Txhumayela Mahungu a manene a ti to ma ta mafu a maphya i si nga kale!

Ka mtxima wa Novembro hotshethu hi na ta va ni lungelo yo pateka ka ditima do sawuleka di no wombawomba ngu mahungo a ditiko da dinene di ku hafuhi. (Mas 37:10, 11; Mtu 21:3-5) Maha txiemiso kasi ku maha a ti u nga tikotako ka ditima diya. U txi lava ku va nyaphanduli wo vhuneta ngu Novembro u nga sawula ku ningela 30 mwendo 50 wa mahora.

Ti lungisele ku wombawomba ni vathu vavangi ngu mbhalo awu wu wombawombako ngu mafu a maphya. Mbimo yi u lulamiselako txiwuletiso txako alakanyisisa ngu mbhalo awu wu no wusa kutsakela ka vathu va u no wombawomba nawo. Ngako a txi kombisa kutsakela ngu dikhambi do khata mninge Muwoneleli, No. 2 2021. Zama kumaha liendo lo wuyela ngu txikuluveta u tshumela u khata gondo ya Bhiblia ngu ku thumisa dibroxura di di ku Hanya wutomi wo tsakisa kala kupinduka!. Ngu ditshuri ku nava i di lungelo kupateka ka ditima a di di tisako “mahungu a manene”!—Isa 52:7.

XALELA VHIDHIYO YI YI KU MAFU A MAPHYA SE MA HAFUHI, U GWITA U XAMULA SIWOTISO SIYA:

• Ngu yihi themba yo tsakisa ayi txihoranana atxi hi nga txi wona ka vhidhiyo txi alakanyisisako ngu yona?

• Ngu sihi sithembiso si no maheka ka mafu a maphya a si u si emeleko ngutu?

• Ngu kutxani kualakanyisisa ngu themba ya wumangwana ti no ku vhuna ku maha ati u nga ti kotako ti to u pateka ka ditima da Novembro?—Luk 6:45