TI TOLOVETE KA MTHUMO WO TXHUMAYELA | U NGA LI MANISA KUTXANI LITSAKO KA MTHUMO WO TXHUMAYELA
Gondisa ngu kuhiseka
Ngako hi txi hiseka vaengiseli vathu va na riya kwati nzeve ka ti hi ti wombako. Ni ku eto ti komba ti to ha ninga lisima didungula dathu. Ti si nga ni mhaka ni mdhawuko wathu, wuthu wathu, hotshethu ti lava hi sakulela ku va vo hiseka. (Var 12:11) Ngu kutxani?
Txo khata, alakanyisisa ngu lisima la didungula dako. U ni lungelo yo “tshumayela mahungu a manene!” (Var 10:15) Txa wumbidi, alakanyisisa ngu wuyelo ya yinene ayi mahungu a manene ma nga vako nayo ka vaengiseli vako. Vona va tilava ku engisela ati u va gelako. (Var 10:13, 14) Ngu magwito, thumisa mawoko, msungo ni khohe ngu nzila ya mtumbuluko kasi kukombisa matipfelo ako.
XALELA VHIDHIYO YI YI KU MANA LITSAKO U TXI MAHA VAGONDISWA—TSHUKWATISA WUSIKOTI WAKO WO GONDISA—GONDISA NGU KUHISEKA, U GWITA U XAMULA SIWOTISO SIYA:
Nji txani txi nga maha Rita a si hiseki ngu txigondo txakwe?
Nji txani txi nga vhuna Rita e tshumela e hiseka?
Kuhiseka ka gwesa vamwani
Ngu kutxani hi ti fanete ku wona tifanelo ta tinene ka sigondo sathu?
Kuhiseka kwathu ku nga gwesisa kutxani sigondo sathu ni vathu vamwani?