TI TOLOVETE KA MTHUMO WO TXHUMAYELA | MANA LITSAKO KA MTHUMO WO TXHUMAYELA
Gwesa mbilu
Kuengisa Txizimu ku fanete kukhukhela mbiluni. (Mav 3:1) Ngu toneto, mbimo yi hi gondisako hi fanete kugwesa timbilu ta vaengiseli vathu. Ngu nzila yihi?
Kha ha fanela kugondisa ditshuri da Bhiblia sigondo sathu dwe, kambe hi fanete hi si vhuna si di thumisa ka wutomi wa sona ni kuva ni wuxaka ni Jehovha. Hi lava ku si vhuna si wona nzila yi Bhiblia yi kombisako ngu yona lirando, wunene ni wululami wa Jehovha. Ngu wunene, maha siwotiso asi si no vhuna txigondo txako ti to txi womba matipfelo a txona mayelano ni ti txi ti gondako. Txi vhune txi alakanyisisa ngu nzila yi wutomi wa txona wu nga tshukwalako ngu yona ngako txi txi leka mahanyelo mwendo mikhuva yo biha. Mbimo yi u wonako txigondo txako txi txi kulisa lirando la txona ngu Jehovha, litsako lako li na engeteleka.
XALELA VHIDHIYO YI YI KU MANA LITSAKO U TXI MAHA VAGONDISWA—TSHUKWATISA WUSIKOTI WAKO WO GONDISA—GWESA MBILU, U GWITA U XAMULA SIWOTISO SIYA:
Ngu kutxani Rita a di wotisile Rosa ti to: “Ina a di alakanyisisile mayelano ni ti va nga di bhute ngu Mvhulo?”
Rita a mvhunisile kutxani Rosa e wona to a ti Bhiblia yi ti gondisako mayelano ni kwa mbi maha ta mataho a si se txhadha ti kombisa lirando la Jehovha ngu ngene?
Ngako hi txi gwesa timbilu ta sigondo sathu, ti na si vhuna ti to si kula ngu didhawa da moya
Rita a mvhunisile kutxani Rosa ti to e pfisisa nzila yi ene a nga kombisako ngu yona to wa randa Jehovha?