Vhuna sigondo ti to si vayilela mikhuva ya nzambwa

Ava va ku ni mahanyelo o basa va nga va ni wuxaka wa hafuhi ni Jehovha. (1 Ped 1:14-16) Mbimo yi sigondo sa Bhiblia si xulako mikhuva ya nzambwa sona si nga mana txivhuno ha mwayani, kuva ni dihanyo da dinene, ni ku thumisa kwati mali.

Sitxhamusele kwati matshina a milayo a Jehovha, ni txivangelo txo va a di hi vekete milayo yoneyo ni wuyelo yi hi nga yi manako ngu ku yi engisa. Veka mapimo ko vhuna sigondo sako ti to si txitxa mapimiselo a sona, se ngako si txi maha toneto si na tikota ku maha kudhunda ka Jehovha. (Vaef 4:22-24) Si tsanise ti to ngu kuvhunwa ngu Jehovha sona si nga sikota ku xula mikhuva ya nzambwa. (Vaf 4:13) Si gondise kuphikelela ka Jehovha ngu mkombelo ngako si txi telwa ngu minavelo yo lava ku maha txionho. Sivhuni kuwona siemo si si nga si dukako ni nzila yo si vayilela. Si kuzete ku si txitxa minavelo ya nzambwa ngu minavelo ya yinene. Ha tsaka ngako hi txi wona sigondo sathu sa Bhiblia si txi kula ngu didhawa da moya, ni ku maha kutxitxa ngu kuvhunwa ngu Jehovha.

XALELA VHIDHIYO YI YI KU VHUNA SIGONDO TI TO SI VAYILELA MIKHUVA YA NZAMBWA, U GWITA U XAMULA SIWOTISO SIYA:

• 

  I ngu nzila yihi madhota kumweko ni Rita va nga kombisa kuthemba Rosa?

• 

  Rita a ti kombisile kutxani ti to wa khatala ngu Rosa?

• 

  Rosa a txi lavisile kutxani txivhuno txa Jehovha?