Kombisa wumbilu

Wumbilu wusikoti wo pfisisa mapimiselo, matipfelo, lisima ni silaveko sa vamwani, vathu va ti wona ngako hi di ni wumbilu. Se ngako hi txi lava kuvhuna vamwani, hi na va komba wumbilu. Ngako hi txi kombisa wumbilu kutxhumayelani, hi na va hi txi kombisa lirando ni kukhatala ka Jehovha ni ku eto ti na va vhuna ve tshuketa hafuhi kwakwe.—Vaf 2:4.

Kukombisa wumbilu hi nga to ti tela; kambe ti kombiswa ngu nzila yi hi engiselako ngu yona, nzila yi hi womba-wombako ngu yona, nzila yi hi wonako ngu yona timhaka, nzila yi hi thumisako ngu yona sihango sathu ni ti tikhohe tathu ti wonekisako tona. Hi txi tsakela m’thu hi na va hi txo kombisa wumbilu. Ha khatala ngu kutsakela kwawe, ati va ti tumelako ni siemo sawe. Ha va vhuna ngu tinzila totshe, kambe kha hi va sinzisi ti to ve txitxa mahanyelo awe. Mbimo yi hi wonako nzila yi wumbilu wu gwesako ngu yona vathu, litsako lathu ngu mthumo wo txhumayela la engeteleka.

XALELA VHIDHIYO YI YI KU MANA LITSAKO LO MAHA VAGONDISWA—TSHUKWATISA WUSIKOTI WAKO WO GONDISA—KOMBISA WUMBILU, U GWITA U XAMULA SIWOTISO SIYA:

• 

  Rita awu kombisisile kutxani wumbilu mbimo yi Rosa a nga hoka a di txhetwe ka gondo?

• 

  Rita awu kombisisile kutxani wumbilu mbimo yi Rosa a nga mu gela ti to kha va na mbi gonda nguko a ti karatekile?

• 

  Rita awu kombisisile kutxani wumbilu mbimo yi Rosa a nga mu gela ti to a ni mavhokori?