TI TOLOVETE KA MTHUMO WO TXHUMAYELA | MANA LITSAKO NGU KUMAHA VAGONDISWA
Thumisa tifarameti to maha wuxolisisi
Jehovha wa hi ninga tiferameti to tala ti to hi va vagondiswa va vanene. Hi ni mavhidhiyo, siphephana, marevhista, mabroxura, mabhuku ni ferameti ya lisima ngutu i ku Bhiblia. (2 Tim 3:16) Jehovha a hi ningile ferameti yo maha wuxolisisi ayi yi hi vhunako kugondisa vamwani. Ngu txikombiso hi ni Watchtower Library, aplikativho ya JW Library®, BIBLIOTECA ON-LINE™ da Torre de Vigia ni Guia de Pesquisa das Testemunhas de Jeová.
Litsako lako li na engeteleka ngako u txi thumisa tiya ti to u mana tithomba ta moya. U nga divali kugondisa txigondo txako kuthumisa tiferameti tiya. Ngu koneho ngako ku di ni ti a si ti pfisisiko a na sikota ku mana xamulo apune. Se nene a na mana litsako.
XALELA VHIDHIYO YI YI KU MANA LITSAKO NGU KUMAHA VAGONDISWA—TUMELA TXIVHUNO TXA JEHOVHA—THUMISA TIFARAMETI TO MAHA WUXOLISISI, U GWITA U XAMULA SIWOTISO SIYA:
Ngu yahi mawonelo aya Rosa a nga ti nawo ngu mtumbuluko?
Rita a mahisile kutxani wuxolisisi mayelana ni mhaka yi ya?
Ku mana tithomba ta moya ni kubhulela vamwani ta hi tisela litsako
Rita a sawulisile kutxani timhaka ati ti yelanako kwati ni Rosa?
Rita a ti pfisile kutxani msana ko thumisa ferameti yo gondisa?