Hi gonda txani ka Samuwele

Samuwele a thembekile ka Jehovha wutomi wakwe wotshe. Hambi mbimo yi Samuwele i nga ti mdotho kha tumela ku sikombiso so biha sa vanana va Eli, i ku Hofini ni Finiasi si onha kuthembeka kwakwe ka Jehovha. (1 Sam 2:22-26) Mbimo yi Samuwele a nga txi kula Jehovha a simamile e mseketela. (1 Sam 3:19) Hambi mbimo yi Samuwele a nga ti kumbile ene a simamile a di thembekile ka Jehovha, hambiku vanana vakwe va nga tshuralela Jehovha.—1 Sam 8:1-5.

Hi nga gonda txani ka txikombiso txa Samuwele? Mphya themba ti to Jehovha wa pfisisa sikarato sako ni matipfelo a ko. Ene a nga kuvhuna ti to u va ni txibindi. (Isa 41:10, 13) Vaveleki, ngako mi di ni mwanana a wu a nga leka kuthumela Jehovha, khumbulani ti to hambi Samuwele kha sinzisa vanana vakwe ti to ve simama va di thembekile ka Jehovha. Ene a tilekete manzani ka Jehovha ni ku tikaratela ku simama a di thembekile ni ku tsakisa Jehovha. Ti nga maha txikombiso txako txa txinene txi vhuna vanana vako ti to ve tshumelela ka Jehovha.

XALELA VHIDHIYO YI YI KU SAMUWELE TXIKOMBISO TXATXINENE KWATHU, U GWITA U XAMULA SIWOTISO:

• 

  Samuwele a txikombisile kutxani txibindi mbimo yi i nga ti mdotho?

• 

  Ricardo a txi kombisile kutxani txibindi?

• 

  I ngu nzila yihi Samuwele a nga ningela txikombiso txa txinene mbimo yi a nga di kumbile?

• 

  Vaveleki va Ricardo va ningete txikombiso txa txinene ngu nzila yihi?