Wombawomba ngu ti ti ku nga di ku maheka ka teretorio yako u di ku txhumayelani

Ka mthumo wakwe wo txhumayela Jesu a wombawombile ngu simahakalo si si nga txi maheka ka mbimo yoneyo. (Luk 13:1-5) Nanawe u nga thumisa simahakalo sa ngweno ti to u wusa kutsakela ka vathu ka didungula da Mfumo. Msana ko wombawomba ngu sikarato sa wutomi, tiphango ta mtumbuluko, sitereka, ku dhahwa ka timbangi ni timwani to fana ni toneto, wotisa txiwotiso atxi txi wusako kutsakela. U nga wotisa tiya: “Ina u alakanya ti to ditshiku dimwani hi na wona magwito ka . . . ?” mwendo “U pimisa ti to ngu yihi nzila yo xula . . . ?” U gwita u mkomba mbhalo a wu wu yelanako ni mhaka yoneyo. Se ngako a txi kombisa kutsakela mninge direvhista a di di tsimbitisanako ni mhaka yoneyo mwendo vhidhiyo a yi yi manekako ka Farameti yo Gondisa. Mbimo yi hi zamako ku gwesa mbilu a hi maheni “totshe ngu mhaka ya Evhangeli.”—1 Vak 9:22, 23.

Ngu tihi timhaka a ti ti nga gwesako mbilu ya vathu va teretorio yaku?