Vhuna sigondo sako ti to si aka likholo ka Jehovha ni Jesu ngu ku thumisa dibhuku di di ku Hanya wutomi wo tsakisa kala kupinduka!

Ti to sigondo sathu si tsakisa Txizimu si fanete si va ni li likolo lo tsana. (Vaheb 11:6) Hi nga gwesa timbilu tawe ngu thumisa dibhuku di di ku Hanya wutomi wo tsakisa kala kupinduka! Dibhuku diya di ni mibhalo ya lisima ni titxhamuselo to pfisiseka, siwotiso sa sinene, mavhidhiyo a ya ma kuzetako ni mifota yo tshura. Ti to sigondo sathu si kulisa tifanelo ta wukristu ni ku va ni wuxaka ni Jehovha, hi fanete hi aka ngu silo si si ñoliko mndilo.—1 Vak 3:12-15.

Vathu vavangi va ti wona ti txi karata ku va vangana va Txizimu kota ku va si txi woniko. Ngutoneto ti lava hi va vhuna ti to ve aka likholo ngu Jehovha ni ku mu Themba.

XALELA VHIDHIYO YI YI KU VHUNA SIGONDO SAKO TI TO SI AKA LIKHOLO KA JEHOVHA, NGU KU THUMISA DIBHUKU DI DI KU “HANYA WUTOMI WO TSAKISA KALA KUPINDUKA!” U GWITA U XAMULA SIWOTISO SIYA:

• Hi ti zivisa kutxani ti to mwanathu wule a ti lungiselete kwati gondo?

• Mwanathu a si thumisisile kutxani siwotiso so engeteleka ti to e ziva a ti txigondo txi nga ti alakanya ngu dibhuku da Isaya 41:10, 13?

• Txigondo txi khumbisilwe kutxani ngu vhidhiyo ni tindimana ta Bhiblia?

Vathu vavangi kha va wupfisisi mterulo ni ku kha va yi woni nga ningo ya Txizimu ka mwani ni mwani. (Vag 2:20) Ngu toneto ti lava hi va vhuna ku ve va ni likholo ka mterulo wa Jesu.

XALELA VHIDHIYO YI YI KU VHUNA SIGONDO SAKO TI TO SI AKA LIKHOLO KA JESU, NGU KU THUMISA DIBHUKU DI DI KU “HANYA WUTOMI WO TSAKISA KALA KUPINDUKA!” U GWITA U XAMULA SIWOTISO SIYA:

• Hi ti zivisa kutxani ti to mwanathu wule a ti lungiselete kwati gondo?

• A txi thumisisile kutxani txiyenge txi txi ku “Xota timwani” ti to e vhuna txigondo?

• Ngu kutxani ti di ni lisima ku kombelela txigondo?