Mana wutxhari wu wu nga kuvhunako ditshiku ni ditshiku ka JW.ORG

Bhiblia yi hi ninga asi hi si lavako ti ko hi kota kuwonisana ni sikarato sa masiku awa a magwito. (2 Tim 3:1, 16, 17) Ngu toneto, yimwani mbimo hi nga lava txivhuno txo mana ditshina da mlayo adi di thumako ka txiemo txo kari. Ngu txikombiso, ina awe u mveleki awu a lavako sialakanyiso sa nzila yo kulisa vanana? Ina awe mphya wu u wonisanako ni kudukwa likholo? Ina awe u ka txikarato txo felwa ngu mkatako? Awe u nga mana timhaka ati ti nga ku kongomisako ka ditshina da mlayo do kongoma adi di nga kuvhunako ka siemo siya ni simwani so tala.—Mav 2:3-6.

Ka site ya jw.org ka pajina yo khata ya Txiputukezi dheketa ha ku ku ENSINOS BÍBLICOS se u gwita u sawula txienge atxi u txi lavako. (Wona mfota 1.) U nga tshumela u bela hale ka BIBLIOTECA > SÉRIES DE ARTIGOS se u gwita u sawula txienge atxi u txi lavako. (Wona mfota 2.) U nga tsumela u mana sienge so fana ka aplikativho ya JW Library^®.a Nzila yimwani u nga bela ngu kuthumisa misungo ya timhaka yi yi ku ka site mwendo ka aplikativho. Kasi nzila yimwani ngu mana timhaka to kongoma ngu kuthumisa ferameti yo maha wuxolisise ka site ya jw.org.

Bhala misungo ya timhaka ayi yi londiselako ahale ko peskizara ngu kona, se u bhala ati ti no kutsakisa kulera ka ti ti no humela kona haleya.

• Criação de filhos

• Depressão na adolescência

• Morte de um cônjuge