U nga gonda tiya

U nga mana timhaka to hambana-hambana

Kutala ka vanathu va mana timhaka ati ti vekwako ka pajina yo khata ya jw.org ayi yi vhunako ka mthumo wo txhumayela. Tona ta hehuka kurumela vamwani, ni ku makhambi o tala ti txhamusela nzila yi simahakalo sa ngweno si kombako ngu yona ti to ati ti nga profetwa amu ka Bhiblia ta maheka. Nga ha mwanathu mmwani a nga womba ngu kona, timhaka tiya ta “vhuna ngutu ka mthumo wo txhumayela.”

Phela timhaka toneto ta wusetwa mbimo yotshe. Se u nga ti manisa kutxani timhaka ati ti siswiko ti maneka ka pajina yo khata?

• Kona ha ka pajina yo khata ka jw.org, dheketa ha ku ku “Veja mais.” Link yiya yi na tula ahale ku ku “Últimos artigos que estiveram em destaques,” kona u na mana timhaka ti ti ku ngadi kuhumiswa.

• Ka jw.org mwendo ka JW Library^®, dheketa ahale ku ku “Biblioteca,” u ya ha ku ku “Séries de artigos” ngu magwito u ya ha ku ku “Outros Assuntos.” Parte yiya yi ni timhaka ati ti nga khala kukombiswa ka pajina yo khata.