Thumisa pajina yo khata ya jw.org u di kutxhumayelani

Pajina yo khata ya site yathu yi kombisa tigondo ni mavhidhiyo a si si humiswako kasi ku ndindela vathu va timbilu ta tinene ka ditshuri. (Mith 13:48) makhambi a mangi ku kombiswa misungo mhaka ayi i ku madungula mwendo a ya vathu va ma pimisako ni ku ma womba.

U nga yi thumisisa kutxani pajina yo khata ya site u di kutxhumayelani?

• Bela site yotshe mbimo. Wonisisa a si si ku ngadi kuhumiswa, u tshumela u wona ti to u nga si thumisa ngu nzila yihi kasi ku u vhuna m‘thu wu a tsakelako. (Kasi ku u mana timwani ta tiphya ati ti nga humiswa, dheketa aha ku ku “Wona sotshe.”) U txi dhunda kubela yotshe mbimo site khu na mbi pindwa ngu txilo ni ku ti na kuvhuna to u humelela ka mthumo wo txhumayela.

• Thumisa misungo mhaka ni mavhidhiyo a si si kombiswako ka pajina yo khata kasi kukhata mabhulo. Silo siya si nga hi vhuna ku hi va ni mawonelo ya ti vathu va wukhalo wonewo va ti pimisako.

• Komba vathu pajina yo khata. Mkombe misungo mhaka yo kari yo kongoma, u tshumela u mkomba nzila yo e tixolela timwani apune site.

• Rumela link. Vathu vamwani va thava kuwomba-womba ni nathu ngu kukongoma, kambe va tiemisete kubela ka site yathu. Ngu toneto, u nga kangami kuposa link ya pajina yo khata ya site mwendo msungo mhaka wo kari mwendo vhidhiyo yi yi ku ngadi ku humeswa site ka va va tsakelako.