Wonisana ni txiemo txa wusiwana u di tsani

Wutomi wathu ka masiku yawa o gwita wu tate ngu sikarato. Sikarato si na ya si engeteleka a ku hi yako hi txi tshuketela ka masiku o gwita. Mbimo yimwani ti na lava hi hanya hi si nga ni si hi si lavako ka wutomi. (Hab 3:16-18) Nji txani txi nga hi vhunako kuwonisana ni txiemo txa wusiwana hi di tsani? Ti lava hi simama hi themba Txizimu txathu Jehovha. Ene a thembisile kukhatalela malanda akwe ka txiemo tximwani ni tximwani.—Mas 37:18, 19; Vaheb 13:5, 6.

U nga maha txani:

• Maha mkombelo ka Jehovha, e kukongomisa e ku ninga wuzivi ni ku kuvhuna.—Mas 62:8

• Tiemisele kuamukela mthumo awu u si zivi ku wu thuma.—Despertai! 01/10 mabhokiso ka paj. 8-9

• Simama ni txiemiso txa moya, atxi txi patako kugonda Bhiblia ditshiku ni ditshiku, kuxalela mitshangano ni ku pateka ka mthumo wo txhumayela

XALELA VHIDHIYO YI YI KU AKA NYUMBA YO TSANA—‘TSAKA NGU SI U KU NASO,’ U GWITA U XAMULA SIWOTISO SIYA:

• Ngu sihi sikarato a si timwaya timwani ti nga tshangana naso?

• Ngu tihi a ti ti fanelako kuva ta lisima nguto ka wutomi wathu?

• Hi nga va vhunisa kutxani ava va mananako ni txikarato txa wusiwana?