Ti vekele makungo aya u nga ma hokelako ka mbimo ya Txialakanyiso

Dilembe ni dilembe vathu va Jehovha va ti emela ngu o bhilivila ku xalela Txialakanyiso va di kumweko. Ka mavhiki a msana ni a masoni ka Txialakanyiso, hi londola mbimo yi yo sawuleka ti to hi dhumisa ni ku bonga Jehovha ngu kona ha ka ningo ya mterulo. (Vaef 1: 3, 7) Ngu txikombiso, ha ti karata ti to hi ramba vamwani ka Txialakanyiso. Vamwani va maha malulamiselo yo ta thuma kota vanyaphandule vo vhuneta ngu 30 mwendo 50 wa ma ora ka mtxima wa Março ni Abril. Ina wa ti tsakela ku engetela mthumo wa wena ka mbimo yoneyo ya Txialakanyiso? I txani txi txi nga kuvhunako ku u kota ku maha toneto?

Ti talisa kuhuma kwati ngako hi txi maha makungo oneyo i di ngadi mbimo. (Mav 21:5) Aku Txialakanyiso txi tshuketelako, i mbimo yo khata kutilulamisela. Pimisa ngu nzila ayi u lavako ngu yona ku andisa mthumo wako ka mbimo ya Txialakanyiso, u tshumela u alakanyisisa ngu ti u nga ti mahako kasi ku u hokelela makungo ako. Se u kombela Jehovha ti to e katekisa mizamo yako.—1 Joh 5:14, 15.

Ina u nga alakanyisisa ngu ti nzila to andisa mthumo wo txhumayela ka mbimo ya Txialakanyiso?