U nga pateka ko maha to mwaya wako wu va ni litsako

Jehovha a lava to timwaya ti va ni litsako. (Mas 127:3-5; Ekl 9:9; 11:9) Kambe litsako lathu li nga guma ngu mhaka ya txitrese txa mafu yawa ni ngu mhaka ya tiphazamo ta va ha mwayani kwathu. Nji txani atxi mmweyo ni mmweyo a nga mahako kasiku mwaya wu va ni litsako?

Wamwamna a kombisa txithavo ka msikati wakwe. (1 Ped 3:7) Wa heta mbimo ni msikati wakwe. Ene wa dinganisela ka ti a ti emelako ka msikati wakwe, ni ku wa kombisa kubonga ka totshe ati a ti mahako kwakwe ni ka mwaya wawe. (Vakl 3:15) Wa mu komba lirando mi ku mu ndunduzela.—Mav 31:28, 31.

Wamsikati a lavetela tinzila to seketela mwamna wakwe. (Mav 31:12) Ene wa ti veka hahatshi ka mwamna wakwe ni ku wa thumisana nayo. (Vakl 3:18) A wombawomba ngu nzila ya yinene nayo e tshumela e wombawomba kwati ngu ngene.—Mav 31:26.

Vaveleki va heta ni mbimo ni vanana vawe. (Dhew 6:6, 7) Va gela vanana vawe to va va randa. (Mat 3:17) Ngako va txi va kawuka va va kawuka ngu lirando ni kupfisisa.—Vaef 6:4.

Vanana va xonipha ni ku engisa vaveleki vawe. (Mav 23:22) Va gela vaveleki vawe mialakanyo ni matipfelo awe. Va tumela kukawukwa ngu vaveleki vawe ni ku va va kombisa txixonipho.—Mav 19:20.

XALELA DRAMA AYI YI KU SAKULELA LIRANDO HA MWAYANI KWAKO, U GWITA U XAMULA SIWOTISO SIYA:

Nji txani a txi mmweyo ni mmweyo a nga maha kasi kusakulela litsako ha mwayani?