Kukawukwa—Ti kombisa lirando la Jehovha

Kukawukwa ti womba kuningwa sileletelo ni kugondiswa, kambe ti tshumela ti pata kulaywa ni kutsayiswa. Jehovha wa hi kawuka ti to hi kota ku mkhozela ngu nzila yi ayi lavako. (Var 12:1; Vaheb 12:10, 11) Hambiku mbimo yimwani ti pandako kukawukwa, kambe ta tisa makatekwa. (Mav 10:7) Ava va kawukako ni va va kawukwako va fanete ve khumbula txani?

Mkawuki. Hambiku ti si hehukiko, madhota, vaveleki ni vamwani va kawuka ngu wunene ni lirando kufana ni Jehovha (Jer 46:28) Mbimo yimwani ti lava ve kawuka ngu mtamo, kambe va na ti maha ngu susumetwa ngu lirando.—Tit 1:13.

Awu a kawukwako. Ti si nga ni mhaka ni nzila yi kukawukwa kutako ngu yona, kha ha fanela ku kuvayilela, kambe hi fanete ku kuthumisa ngu txikuluveta. (Mav 3:11, 12) Aku hi nga mbi hetiseka, hotshethu hi na kawukwa ngu tinzila to hambana. Hi nga kawukwa ngu ti hi gondako ka Bhiblia mwendo ngu kuthumisa mitshangano ya dibanza. Mbimo yimwani hi nga kawukwa ngu komisawu ya wulamuli. Hi txi amukela kukawukwa hi na mana wutomi.—Mav 10:17.

XALELA VHIDHIYO YI YI KU “JEHOVHA WA KAWUKA AVA A VA RANDAKO”, U GWITA U XAMULA SIWOTISO SI SI LONDISELAKO:

• 

  Wu ti njani wutomi wa Canon ni ku wu txitxile ngu nzila yihi?

• 

  Ngu txihi txivhuno txa lirando atxi a nga txi mana ka Jehovha?

• 

  Hi gonda txani ka mhaka yiya?