Ati ti nga humelela

Kukombisa wumbilu ka vathu votshe

Ditshiku dimwani mwanathu wa txisikati wa khe Nova Zelândia a xalete vhidhiyo yi yi ku “Cuidem uns dos Outros,” ka site ya jw.org. Vhidhiyo yoneyo yi kombisa to Jehovha kha ngo kombisa wumbilu basi ka vathu, kambe a maha txo kari kasi ku va vhuna. (Isaya 63:7-9) Konaho, mwanathu wule wa txisikati a sungile ti to a ndi na maha ti a nga ti gonda ni kulava mikhanjo yo kombisa wumbilu ka vamwani. Ka ditshiku dona dile, a txiya txitolo a mani wamsikati wu a nga txi zumba hanzila. Se mwanathu wa txisikati a mkombisile wumbilu ngu ku m’xavela sakudya e mninga. Mbimo yi a nga wuya ni sakudya, a londote mkhanjo wa txikuluveta wo ningela wufakazi a txi thumisa txiphephana atxi txi ku Ku xaniseka ku na guma kani?

Se wamsikati wule a to humisa mirongo. E txhamusela ti to a kulisilwe kota Fakazi ya Jehovha, kambe se a ti lekile ditshuri ka malembe o tala ya ma nga pinda. Kambe a ti nga di kumaha mkombelo ka Jehovha ti to e m’vhuna kutshumelela kwakwe. Mwanathu wa txisikati a mningile Bhiblia e tshumela e langana nayo kukhata gondo.a

Athu nathu kufana ni Jehovha hi nga sikota kukombisa wumbilu ka vathu votshe, kupata ni ka maxaka athu ni vanathu dibanzani. Hahanze keto, hi nga lava mikhanjo yo kombisa wumbilu ngu kubhula ni vathu vamwani mayelano ni Jehovha.