Lulamisela mbilu yako

Mbimo yi hi lerako Bhiblia hi lava ti to mapimiselo a Jehovha me gwesa mbilu yathu, mialakanyo, matipfelo ni mixuvo yathu. Ezra a hi vekete txikombiso txa txinene ka mhaka yiya, ene “a ti ti vekisete mbiluni kwakwe, kulava Mlayo wa MKOMA.” (Ezra 7:10) Se hi nga yi lulamiselisa kutxani mbilu yathu?

Mkombelo. U si se khata kugonda, maha mkombelo. Kombela Jehovha e kuvhuna u pfisisa ni kuthumisa ati u ti gondako.—Mas. 119:18, 34.

Sakulela ku tiveka hahatshi. Jehovha wa sisela wuzivi wakwe vale vo tiguleta mwendo va va thembako wutxhari wawe. (Luka 10:21) U nga mahi wuxolisisi ngu txikongomelo txo lava kukomba vamwani to wa ziva ngutu.

Engisela tindando ta Mfumo. Phela tindando ta hi vhuna kululamisela mbilu yathu kasi kuengisela kwati mitshangano. Ngu ha kufanako, kuengisela ndando u si se khata kugonda, ti na kuvhuna kululamisela mbilu yako.