Tshukwatisa Wusikoti Wo Txhumayela—Bhala mapasi a manene

NGU KUTXANI I DI TA LISIMA: Paulo a bhate 14 wa mapasi ti to e tsanisa vanawe, 1 Vakorinto ndimwedo da ona. M’thu wu a bhalako dipasi, a ni mbimo yo sawula mapswi a manene, se awu a di amukelako a nga di lera ko tala. Mapasi i nzila ya yinene yo txhumayela a va hi nga khala kuwonana navo. Ona ma nga tshumela me vhuna ka va hi si tikotiko kuwomba-womba navo. Ngu txikombiso, ava va kombisako kutsakela, kambe ti txi karata ku vamana mtini. Vamwani ka wukhalo wathu ti nga maha va txi zumba ka mapredhiyo ya ti si hehukiko kubela ka ona, ka ma kondominiyo i ku ha kuzumbako vathu vo tala vo ganya ni ka makhalo a kule. Ngu tihi ti hi fanelako ku ti alakanya mbimo yi hi bhalako dipasi, ngutu-ngutu hi txi bhalela m’thu wu hi si mziviko?

U NGA MAHISA KUTXANI:

• 

  Bhala ti u ndi no bhula nayo khohe ngu khohe. Makhatoni ka dipasi mgele ditina dako, txhamusela kwati txivangelo txo m’bhalela. Se u nga mmahela txiwotiso txi txi no mtsakisa mwendo ku mkuzeta kubela ka site ya jw.org. M’zivise ngu ta gondo ya Bhiblia ya On-line, gondo ya Bhiblia yi a nga tsimbitiselwako ti nga maha hambi mtini kwakwe, mwendo kudhoda tindima to kari ta dibhuko do tshimbitisa gondo. U txi ti tsakela u nga mu rumelela dipasi kumweko ni mabhuku, dikartawu da site, txirambo mwendo txiphephana

• U nga bhali to tala. Dipasi dako kha da fanela kulapha ti to m’thu a si ya swireka ngu kulera.—Wona txikombiso txa dipasi.

• Khateta u lera ti to u wona to kha ku nga ni ha u nga phazama ni ku ta hehuka ku di pfisisa. Tsaniseka to da kombisa txingana, txixonipho ni ku da vhuna. Ti txi lava txitambu dihela male yotshe.