Tshukwatisa Wusikoti Wo Txhumayela—Tsimbitisana ni siemo

NGU KUTXANI I DI TA LISIMA: Vasawuleki ni tinvuta timwani va ramba vathu va tixaka totshe ti to ve ‘amukela mahala mati a wutomi.’ (Mtu 22:17) Mati awa o fanekisela ma emela yotshe lulamiselo ya Jehovha yo khulula vathu ka txionho ni lifo. Ti to hi vhuna vathu ava va ku ni sihena ni wukhongeli wo hambana-hambana, ti lava hi txhumayela mahungu a manene “o mbi na makhato ni magwito” ngu kuya ngu txiemo txa m’thu wu hi mu txhumayelako.—Mtu 14:6.

U NGA TI MAHISA KUTXANI:

• Sawula timhaka ni m’bhalo awu wu no gwesa mbilu ya vathu va wukhalo wako. U nga nga thumisa sikombiso sa mabhulo mwendo kuwomba-womba timhaka ati u talisako kuhumelela ka tona. U nga thumisa timhaka ni mibhalo ayi yi tsakelwako. U nga khata mabhulo ngu mahungu a ya vathu va womba-wombako ngu ona. Ngu tihi ati ti nga tsakelwako ngu vavasikati mwendo ngu majaha?

• Ka mabhulo ako, pata maloselo aya ma nga toloveleka ka wukhalo wanu.—2 Vak 6:3, 4

• Ziva kwati mabhuku ni ma vhidhiyo aya ma ku ka Farameti yo Gondisa ti to u vhuna ava va kombisako kutsakela

• Bhaxara mabhuku ngu tidimi ati ti womba-wombwako ngu vathu ava u nga va manako kutxhumayelani

• Mabhulo ako ma na yelane ni silaveko sa nyamne wa m’ti. (1 Vak 9:19-23) Ngu txikombiso, u nga womba txani ngako u txi mana ti to nyamne wa m’ti a ngadi kuluzekelwa ngu dixaka?

XALELA VHIDHIYO, U GWITA U XAMULA SIWOTISO SI SI LONDISELAKO:

• Ngu tihi timhaka ati muhuweleli a nga khata ngu tona mabhulo ni nyamne wa m’ti?

• Ngu tihi ati nyamne wa m’ti a nga ti manana nato?

• Ngu wuhi m’bhalo awu wu nga ti fanela ka txiemo txile, ngu kutxani?

• U mahisa kutxani ti to txiwuletiso txako txi tsakelwa ngu vathu va wukhalo wanu?